Johan 4:38 - Tedim Bible

³⁸ Lo na khawh lohna uh ah buh at dingin ke’n note kong sawl hi. Midangte in a kho uh a, note in amau sepna-ah na tum zo uh hi,” a ci hi.

Tedim Bible Revision 2017

³⁸ Tua ahih manin note in na khawh loh uh lo ah an a la dingin ka hong sawl hi. Midang in tua lo na kho a, note in a lak bek a si na hi uh hi,” a ci hi.

Johan 4:38 Iomraidhean Croise

2 KHANG TANGTHU NIHNATE 36:15

A mite leh ama teen’na mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi;

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Johan 1:7

Mi khempeuh in ama hangin thu um dingin teci pang a, khuavakna thu teci pang dingin a hong pai hi.

Johan 17:18

Nang in leitungah kei nong sawl mah bangin, amaute leitungah ka sawl hi.

Johan 4:37

Tua ahih ciangin, ‘Mi khat in a vawh hi; midang in a at hi,’ a cihna thu a man hi.

Johan 4:39

Numei in, “Ka gamtatna khempeuh hong lak hi,” ci-a teci a pan’na thu hangin tua Samaria khuami tampite in Zeisu thu a um uh hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Sawltak 5:14

Tua bangin thu-um mi pasal leh numei tampi in Topa tawh a kibehlap uh hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

2 KORIN NIHNA 10:15

Kote in ka nasep nading uh khenin mi dangte’ nasepna sungah ka tum uh ahih maninah kisathei ka hi kei uh hi.