Johan 4:29 - Tedim Bible

²⁹ “Hong pai un la, ka gamtatna khempeuh hong lakpa en un. Tua pa in Khazih ahi hiam?” ci-in mite kiangah a ko hi.

Tedim Bible Revision 2017

²⁹ “Hong pai un. Ka gamtatna sa a hong thei pa va en ni. Amah Khris hi kha ding hi,” a va ci hi.

Johan 4:29 Iomraidhean Croise

Mattiu 12:23

Tua gama mi khempeuh in lamdangsa-in, Hih pa in David’ ta ahi hiam?” ci-in a dong uh hi.

Johan 4:25

Numei in, “Khazih kici Messiah hong tung ding ke’n ka thei hi. Amah hong tun’ ciangin thu khempeuh hong hilh ding hi,” a ci hi.

Johan 4:28

Numei in a tuiphel nusia-in, khua sungah ciah a;

Johan 4:30

Amaute khua sung pan paikhia uh a, a kiangah a pai uh hi.

Johan 4:39

Numei in, “Ka gamtatna khempeuh hong lak hi,” ci-a teci a pan’na thu hangin tua Samaria khuami tampite in Zeisu thu a um uh hi.

Johan 7:26

En un, amah in a kilangin thu a hilh hangin kuamah in a kham kei hi. Hih pa in Khazih hi cih upa vaihawmte in a thei takpi uh hiam?

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

1 SAMUEL MASA 9:19

Samuel in Saul dawngin, “Keimah in thu-mu-pa ka hi hi; mual tunga biakna-ah kei mai-ah paito in; bang hang hiam cih leh nangmah in tu ni-in kei tawh an na ne ding a, zingsang ciangin nang hong ciah sakin na lungsim-a om khempeuh nang kiangah kong gen ding hi.