Johan 4:24 - Tedim Bible

²⁴ Pasian in Kha ahi hi. Amah a biate in Kha leh thuman thutak tawh a bia ding uh hi,” ci-in a gen hi.

Tedim Bible Revision 2017

²⁴ Pasian pen Kha ahi hi; amah a biate in tua Khaʼ lamlahna le thuman taktak tawh a bia ding uh hi,” a ci hi.

Johan 4:24 Iomraidhean Croise

Late 145:18

Amah a sam mi khempeuh, lungsim tak tawh a sam mi khempeuhte kiangah, Topa nai hi.

Late 50:23

Biakpiak nadingin lungdam piakna hong paipih mi in kei hong pahtawi ahi hi; Ka thu a mang mite khempeuh ka honkhia ding hi,”

Late 51:17

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Late 66:18

Ka lung sungah mawhna kem leng, Topa in ka thu hong ngai lo ding hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Johan 4:23

A bia taktakte in Kha leh thuman thutak tawh, Pa Pasian a biak ding uh hun hong tung ding tham loin a hong tung zo hi. Bang hang hiam na cih leh, Pa Pasian in amah bia dingin tua bang mite a zong hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

2 KORIN NIHNA 3:17

‘Topa’ a cih ciangin Kha Siangtho a cihnopna hi. Topa’ Kha Siangtho’ omna-ah suahtak nopsakna a om hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

1 SAMUEL MASA 16:7

Ahih hangin Topa in Samuel kiangah, “A tungtham hita leh a tun’ san’na hita leh en kei in; bang hang hiam cih leh amah ka nolh hi; bang hang hiam cih leh Topa in mihingte’ muh bangin mu lo hi; mihingte in a pua lama kilangte en a, ahih hangin Topa in a lungsim en hi,” a ci hi.