Johan 4:21 - Tedim Bible

²¹ Zeisu in, “Numei aw, ka thu hong um in. Hih mual tungah ahi zongin, Jerusalem khua sungah ahi zongin Pa Pasian na biak loh nading uh hun hong tung ding hi.

Tedim Bible Revision 2017

²¹ Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 4:21 Iomraidhean Croise

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Ezekiel 14:3

“Ezekiel aw, hih mite in milim bia uh a, milim in mawhna sungah amaute tun’ pih hi. Amaute’ thu theih nopte a gen dingin hong um uh ahi hiam?

Ezekiel 20:3

“Ezekiel aw, Topa Pasian ahi keimah in amaute tungah ka gen, ‘Kei tungah thu a dong dingin hong pai na hi uh hiam? Keimah in a nungta Topa Pasian ka hih mah bangin note’ thudotin ka om het kei ding hi, ci-in gen in,’ hong ci hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

Johan 4:23

A bia taktakte in Kha leh thuman thutak tawh, Pa Pasian a biak ding uh hun hong tung ding tham loin a hong tung zo hi. Bang hang hiam na cih leh, Pa Pasian in amah bia dingin tua bang mite a zong hi.

Johan 5:25

Ke’n aman takpi kong cih-inah, a sisate in Pasian’ Tapa’ aw a zak nading uh a hun hong tung ding tham loin tu-in zong a tung zo hi. Tua aw a zate in a nungta ding uh hi.

Johan 5:28

Hih thu lamdang na sa kei un. Bang hang hiam na cih uh leh, han sungah a omte khempeuh in ama aw za uh a, a hong pusuak hun hong tung ding hi.

Sawltak 6:14

Bang thu a gen hiam na cih uh leh, ‘Tua Nazareth mi Zeisu in hih inn a sugawp ding a, Moses in eite hong piak ngeina a kikheelsak ding hi,’ ci-a a gen thu ka za zo uh hi,” ci-in teci a pang uh hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Efesa 3:14

Tua ahih ciangin vantung leitungah a om mi khempeuhte’ pianna, Pa Pasian mai-ah khukdin’in thungenin ka om hi.

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Mangmuhna 21:22

Tua khuapi sungah biakinnpi ka mu kei hi. Bang hang hiam na cih uh leh, Vanglianpen Topa Pasian leh Tuuno in tua khuapi biakinnpi ahi uh hi.