Johan 4:20 - Tedim Bible

²⁰ Ka pute ka pate un hih mual tungah Pasian a bia ngei uh hi. Note in ahih leh, ‘Jerusalem khua bekah mite in Pasian a bia ding uh hi,’ na ci uh hi,” a ci hi.

Tedim Bible Revision 2017

²⁰ Ko Samaria miteʼ pupite in hih lai mual tungah Pasian bia uh a, ahi zongin no Jew mite in Pasian biakna mun pen Jerusalem khua ahi hi, na ci uh hi,” a cih ciangin,

Johan 4:20 Iomraidhean Croise

1 KUMPI MASATE 9:3

Topa in ama kiangah, “Keima mai-ah na hihsa na thungetna leh na thuumna ka za khin hi; na lamsa hih inn ka ap khin a, a tawntungin keima min kemin ka kipsak ding hi; a tawntungin tua ka hu ding hi.

1 KHANG TANGTHU MASATE 21:26

Tua ciangin David in tua lai-ah Topa’ adingin biakna tau khat lamin meihal biaknate leh thu-nuama biaknate bawlin Topa’ tungah thu ngen a, tua ciangin amah in a thungetna a piakna-in a meihal biakna a hal dingin vantung panin meikuang pia suk hi.

1 KHANG TANGTHU MASATE 22:1

Tua ciangin David in, “Hih lai-ah Topa Pasian’ inn om ding a, hih lai-ah Israel’ ading meihal biakna tau om ding hi,” a ci hi.

2 KHANG TANGTHU NIHNATE 7:12

Tua ciangin zanin Solomon’ tungah Topa kilangin ama kiangah: “Na thungetna ka za khin a, keima adingin biakpiakna inn dingin hih mun ka teel khin hi.

2 KHANG TANGTHU NIHNATE 7:16

Bang hang hiam cih leh a tawntungin ka min a om theih nadingin keimah in hih inn teelin ka ap khin hi; ka mitte leh ka lungsim a tawntungin tua lai-ah om ding hi.

Late 132:13

Bang hang hiam cih leh Topa in Zion teel khin zo a, amah in tua mun pen ama teen’ nadingin a deih hi.

Late 78:68

ahih hangin, ama it, Zion Mual, Judah minam a teel hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Luka 9:53

Zeisu in Jerusalem khua lam pai dingin a mainawt ahih ciangin tua khua mite in a nolh uh hi.

Johan 4:12

Hih tuikhuk hong piapa leh, amah akipan a tate leh a ganhingte in a dawn uh i pu Jakob sangin na lianzaw hiam?” ci-in a dawng hi.

Thu-hilhkikna 11:29

Luah dingin na lutna leitang uhah Topa na Pasian un hong paipih ciangin Gerizim Mual tungah thupha koihin, Ebal Mual tungah hamsia na koih ding uh hi.

Thu-hilhkikna 27:12

“Jordan na galkah khit uh ciang mite thupha a pia dingin Gerizim Mual tungah a ding ding minamte in: Simeon, Levi, Judah, Issakhar, Josef leh Benjamin ahi hi.