Johan 4:18 - Tedim Bible

¹⁸ Bang hang hiam na cih leh, pasal nga na nei ngei zo hi. Tu-a na neih mi in na pasal ahi kei hi. Hih thu aman takpi-in na gen hi,” a ci hi.

Tedim Bible Revision 2017

¹⁸ Pasal nga na nei khin ngei a, tu-a na ompih zong na pasal hi lo hi. Tua ahih manin na thugen man mahmah hi,” a ci hi.

Johan 4:18 Iomraidhean Croise

Piancilna 20:3

Ahih hangin zan-in mang sungah Abimelek kiangah Pasian pai a, ama' kiangah, “En in, na laksa numei’ hangin nang in a si ding na hi hi; bang hang hiam cih leh amah in mi khat’ zi ahi hi,” ci hi.

Piancilna 34:2

Hiv mi Hamor’ tapa Shekhem,tua gam ulianpa in amah a muh ciangin, amah in manin luppih a, siasak hi.

Piancilna 34:31

Ahih hangin amaute in, “Amah in ka sanggamnu uh numei paktat bangin a bawl ding kilawm ahi hiam?” ci uh hi.

Jeremiah 3:20

Ahih hangin thuman lo zi in a pasal a nusiat bangin Israel mite aw, Topa in kong cih in ah, no zong kei’ tungah nong thuman kei uh hi,’ ci-in va tangko in,” hong ci hi.

Ezekiel 16:32

A pasal it zaw loin, gamdang mite tawh mawhna a bawl numei tawh na kibang hi.

Ezekiel 16:35

“Tua ahih ciangin numei paktat aw, Topa’ thu ngai in.

Gamlak-vakna 5:29

“Zi khat in a pasal’ ukna nuai-ah om napi-in vak vai-in amahmah a kinitsak ciangin,

Marka 10:12

Numei in zong, a pasal ma a, pasal dang tawh a kiteen’ leh, a pasal thak tungah a mawh hi,” a ci hi.

Johan 4:16

Zeisu in, “Pai in, na pasal sam in la, hong paikik in,” a ci hi.

Johan 4:17

Numei in, “Ke’n pasal ka nei kei hi,” a cih ciangin Zeisu in, “Pasal ka nei kei hi,’ na cihna thu aman hi.

Johan 4:19

Numei in, “Topa aw, nangmah in Pasian’ kamsangpa na hih lam ka thei hi.

ROM (Romans) 7:3

Tua ahih ciangin a pasal a nuntak lai-in midang’ zi a suah leh, numei gilo a kici ding hi. Ahih hangin a pasal a sih leh, tua numei in thukham tawh a kipelhkhia a, midang tawh a kiteeng zongin numei gilo a kici kei ding hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

Ruth 4:10

A site’ min ama sanggamte leh a pian’na a khua sung panin a maiman’ loh nadingin ama gamhluahna-ah a site min a kizop theih nadingin a si khin Mahlon’ zi, Moab numei Ruth zong ka zi dingin ka lei khin hi; note in tu ni-in teci na hi uh hi,” a ci hi.