Johan 4:10 - Tedim Bible

¹⁰ Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Tedim Bible Revision 2017

¹⁰ Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Johan 4:10 Iomraidhean Croise

Late 10:17

Topa aw, lungnemte deihna na ngai ding hi; a lungsim uh na hatsak ding a, na bil na ngat ding hi.

Late 46:4

Sang Penpa’ ten’na khua siangtho ahi, Pasian’ khuapi, a lungdamsak gun khat a om hi.

Paikhiatna 17:6

En in, Horeb-a suangpi-ah nangma' mai-ah ka ding ding hi; nang in suangpi na sat ding a, mite in tui a dawn theih nadingin tua suang panin tui hong phul khia ding hi,” a ci hi. Isarel upate’ muhna-ah tua mah bangin Moses gamta hi.

Solomon la 4:15

Lebanon Mual tung panin lui hong luangsuk a, ciktui luangte, luitui luangte, tua huan sungah tungsuk hi. Nungak:

Isaiah 12:3

Tui siangtho in a dangtakte a lungdamsak mah bangin, Pasian’ hotkhiatna tuikhuk in a mite lungdamsak ding hi.

Isaiah 35:6

tua ciangin khebai mipa pen sakhi bangin diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah lui tui hong luang ding hi;

Isaiah 42:6

“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.

Isaiah 43:20

Gamsate, ngiate leh kalaoh-vasate in kei hong pahtawi ding uh hi; bang hang hiam cih leh keima adinga ka pian’sak mite in keimah phatna a genkhiat theih nadingun, keima teel mite’ dawn dingin gam lakah tui pia-in, sehnel gam sungah gun ka pia hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Ezekiel 16:35

“Tua ahih ciangin numei paktat aw, Topa’ thu ngai in.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Zekhariah 14:8

Tua ni hong tun’ ciangin Jerusalem khua panin tuiciim hong luang khia ding a, kimkhat, nisuahna lama om Si Tuipi ah luang ding a, kimkhat, nitumna lama om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

Johan 16:3

Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 6:35

Zeisu in, “Keimah in nuntakna khomun ka hi hi. Kei kiangah hong pai mi in a nung ciangin a gilkial ngei nawn kei ding hi. Kei hong um mi in a nung ciangin a dangtak nawn kei ding hi.

Johan 6:51

Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

Sawltak 9:11

Topa in “Tho in la, Tang a kici lampi-ah pai in; Saul kici Tarsas mi, Judah innah va zong in.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

1 KORIN MASA 10:4

kha tawh kipawl tui a dawnkhawm uh ahi zongin, note in thei loin na om ding uh ka deih kei hi. Bang hang hiam na cih uh leh, tuate khempeuh in amau nung a zui, kha tawh kipawl suangpi pan a luangkhia tui a dawn uh hi. Tua suangpi in Khazih ahi hi.

2 KORIN NIHNA 9:15

A kigen khin zo lo hong piakkhong letsong thupha hangin Pasian tungah hehpihna phatna om ta hen!

Efesa 2:8

Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

Hebru 6:4

Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.