Johan 3:7 - Tedim Bible

⁷ Khatvei na suakkik ding hi ka cihna lamdang sa kei in.

Tedim Bible Revision 2017

⁷ Tua ahih manin, ‘Na suahkik ding ahi hi,’ ka hong cihna hangin lamdang sa kei in.

Johan 3:7 Iomraidhean Croise

JOB (Job) 15:14

Mihing-a piang peuhmah paubaang loin siangtho taktak zo ding ahi hiam? Pasian’ tungah a thuman zo kua om ding ahi hiam?

Johan 3:12

Leitung thu kong gen ciangin na up kei leh, vantung thu kong gen hangin bangci up ding na hi hiam?

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Johan 3:6

Ci-le-sa ah a piang mi in ci-le-sa ahi hi. Kha Siangtho ah a piang mi in kha ahi hi.

Johan 3:8

Huih in ama ut bangin a nung hi. Tua huih ging na zak hangin koi pan hong pai a, koilam pai ding cih na thei kei hi. Kha Siangtho tawh a suakte khempeuh in tua bang ahi uh hi,” a ci hi.

Johan 5:28

Hih thu lamdang na sa kei un. Bang hang hiam na cih uh leh, han sungah a omte khempeuh in ama aw za uh a, a hong pusuak hun hong tung ding hi.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.