Johan 3:6 - Tedim Bible

⁶ Ci-le-sa ah a piang mi in ci-le-sa ahi hi. Kha Siangtho ah a piang mi in kha ahi hi.

Tedim Bible Revision 2017

⁶ Mihing sung panin a suakte mihing mah hi bek a, Kha tawh a suakte pen kha mi ahi hi.

Johan 3:6 Iomraidhean Croise

Piancilna 5:3

Adam kum za leh kum sawmthum a nuntak khit ciangin, ama' lim tawh a kibang, amah a sun tapa khat’ pa suak a, amah pen Seth ci-in a min phuak hi.

Piancilna 6:12

Pasian in leitung mu hi, en un, kisia hi; bang hang hiam cih leh leitungah mi khempeuh a sia-in a gamta lo kuamah om lo hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

JOB (Job) 14:4

Mihing banga a ninte sung panin a siang bangmah hong piang lo ding hi.

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Johan 3:7

Khatvei na suakkik ding hi ka cihna lamdang sa kei in.

ROM (Romans) 7:18

Ka sa ahi ka pum sungah a pha khat beek a om kei hi cih ka thei hi. Bang hang hiam na cih leh, a pha gamtat nopna lungsim ka neih hangin a pha gamtat theih nading ka mu kei hi.

ROM (Romans) 7:25

Eite hong hon Topa Zeisu Khazih hangin Pasian’ hehpihna ka phat hi! Tua ahih ciangin ka lungsim hangin Pasian’ thukham deihna ka zuih hangin, ka pumpi hangin mawhna’ Thukham deihna ka zui hi.

ROM (Romans) 7:5

Eite in i pumpi ngeina bangin gamta-in i om lai takin, mawhna tawh akipawl i lungsim in Thukham hangin piang a, sihna suahna gah a gah nadingin i pumpi tung nate sungah nasem hi.

ROM (Romans) 8:13

Note in ci leh sa thu zui-in na nuntak uh leh, na si ding uh hi. Kha Siangtho hangin na pumpi uh a gamtatna na sihsak uh leh, na nungta ding uh hi.

1 KORIN MASA 6:17

Topa tawh kipawlte in Topa tawh lungsim khat ahi ding hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

Galati 5:24

Khazih Zeisu’ aa-te in si-le-sa’ deihna leh lunggulhnate singlamteh tungah a khencip zo uh hi.

Efesa 2:3

Tua mite tawh eite khempeuh in zong nidang lai-in i ci-le-sa deihna ah lungsim deihna zui-in, si-le-sa deihna bangin gamta-in i om a, adang mite bangin ngeina bangin a hehna a thuak mi i hi hi.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

1 JOHAN MASA 3:9

Pasian’ pian’sak mi in ama sungah Pasian’ khaici a om man-inah mawhna a bawl zom thei kei hi. Amah in Pasian’ pian’sak mi ahih maninah a mawh nuam kei hi.