Johan 3:33 - Tedim Bible

³³ Ama teci pan’na thu a mangte in, Pasian in thuman thutak hi ci-in a ciamteh hi.

Tedim Bible Revision 2017

³³ Ama thugen a umte pen, Pasianʼ thugen man hi, ci-in a um ahi uh hi.

Johan 3:33 Iomraidhean Croise

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Johan 8:26

Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.

ROM (Romans) 15:28

Tua ahih ciangin hih na ka sep a, hih na piakna lim takin ka koih khit ciangin, note kiang tawnin Spain gamah ka pai ding hi.

ROM (Romans) 4:11

Vun atna a thuak nai loh hangin upna dikna bangin kiciamteh nading i pa Abraham in tua mite’ pa a suah na’ng ahi zongin,

1 KORIN MASA 9:2

Midangte kiangah sawltak ka hih loh hangin note kiangah sawltak ka hi hi. Bang hang hiam na cih uh leh, Topa sungah a om note in sawltak ka hi hi cih ciamtehna na hi uh hi.

2 KORIN NIHNA 1:18

Pasian in dikna tawh a dim bangin note kiangah ka kam in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi.

2 KORIN NIHNA 1:22

Tua Pasian in, eite Kha Siangtho sathau hong nilhin hong neihna ciamtehna hong khen-a, i lungsim sungah Kha Siangtho ahi kiciamna maleep hong guan’ hi.

Efesa 1:13

Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

1 JOHAN MASA 1:10

“Ka mawh kei hi,” i cih leh, amah thuzuau gen ahi ci-in i mawhsakna suak a, ama thu in zong eite sungah a om kei hi.