Johan 3:32 - Tedim Bible

³² A muhsa leh a zaksa thute teci a pang hi. Kuamah in ama teci pan’na thu a mang kei uh hi.

Tedim Bible Revision 2017

³² Amah in a muh sa leh a zak sa thu a gen hi napi-in kuamah in ama thugen um lo uh hi.

Johan 3:32 Iomraidhean Croise

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Mattiu 7:8

Bang hang hiam na cih uh leh, a ngente khempeuh in a ngah uh hi. A zongte khempeuh in a mu uh hi. A kiute khempeuh ading kongkhak a hon’ ding hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Johan 15:15

Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 3:11

Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 3:26

Johan kiangah a pai uh a, “Rabbi aw, Jordan gun gal khatah nangmah tawh a omkhawm, ama thu teci na pan’na pa in baptaiz a, mi khempeuh ama kiangah a pai uh hi,” a ci uh hi.

Johan 3:33

Ama teci pan’na thu a mangte in, Pasian in thuman thutak hi ci-in a ciamteh hi.

Johan 5:20

Bang hang hiam na cih uh leh, Pa in Ta it a, a hihna khempeuh Tapa a musak hi. Note in lamdang nasak nadingun hih sangin a lianzaw nate Tapa a musak ding hi.

Johan 8:26

Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.