Johan 3:29 - Tedim Bible

²⁹ Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

Tedim Bible Revision 2017

²⁹ Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Johan 3:29 Iomraidhean Croise

Solomon la 3:11

Jerusalem nungakte aw, hong pai un la, Kumpi Solomon en dih ve un. A zi neih ni, a lungdam ni, a nu in amah a khuksak Kumpi lukhu hong khu hi.

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guak-a a om kimlai, ka puan tawh kong khuh a, na zumhuaina teng hong seelsakin, teen’pih dingin kam kong ciam hi. Kong kamciamna tangtung sakin nang in keima aa nong suak hi,’ Topa Pasian in ci hi.

Hosea 2:19

Israel aw, nang, zi-in kong nei kik ding a, nang tungah thuman thutangin kong gamta ding hi. Nang hong itin kong hehpih tawntung ding a, keima’ aa na hi tawntung ding hi.

Mattiu 22:2

“Vantung Gam in a tapa ading molakpawi a kham kumpipa tawh kibang hi.

Mattiu 25:1

“Tua ahih ciangin Vantung Gam in zipipa dawn dingin, a meivak tawi kawma paikhia nungak sawm tawh kibang hi.

Mattiu 9:15

Zeisu in, “Zipipa in a lawmte tawh a omkhawm lai takin tuate a dah thei ding uh hiam? Ahih hangin zipipa in a lawmte tawh a kikhen ni a hong tung ding hi. Tua ciangin a lawmte in an nek a tang ding uh hi.

Luka 15:6

a lawmte leh a inn veengte sam a, ‘Hong lungdampih ta un. Bang hang hiam na cih uh leh, ka man’suahsa tuu ka mukik zo hi,’ a ci hi.

Johan 15:11

Note sungah ka lungdamna om a, note lungdamna a kicin’ nadingin hih thute note kiangah kong gen zo hi.”

Johan 16:24

Tudongin ka min suangin bangmah na ngen kei uh hi. Na lungdamna uh a kicin’ nadingin ngen un, na ngah ding uh hi.”

Johan 17:13

Tu-in keimah in nangma kiangah kong pai ding hi. Keima lungdamna hih mite sungah a dim nadingin hih thute leitungah ka om lai-in ka gen hi.

Johan 3:30

Tua pa in lian semsem ding a, kei ka kiam semsem ding hi,” a ci hi.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

1 JOHAN MASA 1:4

Note lungdamna a kicin’ nadingin hih thute ka hong gelh uh hi.

2 JOHAN NIHNA 1:12

No kiangah ka hong gelh nop thu tampi a om hangin lai tungah laitui tawh gelh ding ka deih kei hi. Note kiangah hong pai-in, khat leh khat lungdamna a kicin’ nadingin note tawh maitang kimu-a kihopih ding ka lamen hi.

Mangmuhna 21:9

Tua lai takin a nunung bel gimna pawl sagih a omsa hai sagih a tawi vantungmi sagihte khat hong pai-in, kei kiangah, “Hih lai-ah hong pai in. Tuuno’ zi ahi mo kong lak ding hi,” hong cih khit ciangin,