Johan 3:26 - Tedim Bible

²⁶ Johan kiangah a pai uh a, “Rabbi aw, Jordan gun gal khatah nangmah tawh a omkhawm, ama thu teci na pan’na pa in baptaiz a, mi khempeuh ama kiangah a pai uh hi,” a ci uh hi.

Tedim Bible Revision 2017

²⁶ Tua ahih manin Johan nungzuite a kiangah hong pai uh a, “Sia aw, Jordan Gun gal khat ah na om khawm pih ngei pa, ama thu na genna na phawk lai hiam? Tu-in amah in mi tui phumphum a, mi khempeuh in amah zuan uh hi,” ci-in a gen uh leh

Johan 3:26 Iomraidhean Croise

Late 65:2

Nangmah in thungetna a za-pa na hi hi! Mawhna thu hangin nangma kiangah mi khempeuh hong pai ding uh hi.

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Isaiah 45:23

Keimahmah ka kiciam khin a, a kikhel kik nawn lo ding thu in, ‘Keima mai-ah mi khempeuh hong khukdin ding a, keima tungah thuman dingin hong kiciam ding uh hi,’ cihna, kei’ kam sung panin thumanna tawh pusuak khia khin zo hi.

Mattiu 23:7

sumbukah zahtakna tawh hopih ahi zongin, ‘Rabbi aw,’ cihna ahi zongin a deih uh hi.

Mattiu 23:8

Note in, ‘Rabbi,’ hong cih ding na ut kei un, Bang hang hiam na cih uh leh, na to uh khat bek a om hi. Note khempeuh in unau pawlkhat na hi uh hi.

Johan 1:15

Johan in ama ading teci pangin a kikona in, “Ka nungah hong paipa in kei om ma-in om ahih ciangin, kei sangin a lianzaw hi, kong cihna in hih pa ahi hi,” ci-in a kiko hi.

Johan 1:7

Mi khempeuh in ama hangin thu um dingin teci pang a, khuavakna thu teci pang dingin a hong pai hi.

Johan 1:9

Khuavak taktak a om hi. Tua khuavakna in leitung a, piang mi khempeuh a vaksak hi.

Johan 11:48

Hih mi i koihkhong leh, mite khempeuh in amah a um ding uh a, Rom mite hong pai-in eite omna gam ahi zongin, eite pawl ahi zongin hong susia ding uh hi,” a ci uh hi.

Johan 12:19

Tua ahih ciangin Farisaite in, “En un, bangmah na zo kei uh hi. Leitung mite khempeuh in ama nung a zui khin ta uh hi,” ci-in khat leh khat a kici uh hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 4:1

Zeisu in Johan sangin nungzui tamzaw a suahsakna leh a baptaiz thu, Farisaite in thei cih Topa in a theih ciangin,

Johan 4:2

Judah gam pan Galile gamah a paikik hi.

Johan 4:31

Amaute a tun’ ma-in a nungzuite in, “Rabbi aw, an ne in,” a ci uh hi.

Johan 5:33

Note in Johan kiangah na sawl zo uh hi. Amah in thuman thutak teci a pang zo hi.