Johan 3:23 - Tedim Bible

²³ Johan in zong Salim tawh kinai Ainon khua-ah baptaiz-in a om hi. Bang hang hiam i cih leh, tuasan takah tui tam a om hi.

Tedim Bible Revision 2017

^23-24 Tuiphumpa Johan zong thong kia nai lo hi. Tua hi a, tui tampi omna Salim khua kiang Ainon kici munah Johan in mite tuiphum a, ama kiangah mite hong pai-in tui a kiphum uh hi.

Johan 3:23 Iomraidhean Croise

Piancilna 33:18

Paddan-aram panin hong paina lampi, Kanaan gamsunga om, Shekhem khuapi-ah lungmuang takin Jakob hong tung hi; khuapi mai-ah amah in phual sat hi.

Jeremiah 51:13

Aw, no tui tamna gei-a teengte, no sum a haute aw, na hun uh bei ta a, na nuntakna khau uh kitat ta hi.

Ezekiel 19:10

Na nu uh, lui tui gei-a a kisuan, leenggui tawh kibang hi. Tui tampi ngah a, a teh, a gah, pha hi.

Ezekiel 43:2

nisuahna lam panin Israelte’ Pasian’ minthan’na hong pai ka mu hi. Pasian’ awging pen tuipi ging tawh kibang a, ama minthan’na in leitung taangsak lela hi.

Luka 3:7

Tua lai takin Johan in ama khut tungah kibaptaiz dingin hong pai mihonpite kiangah, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Johan 3:22

Tua nung ciangin Zeisu a nungzuite tawh Judah gamah pai a, tuasan takah amaute tawh omkhawmin a baptaiz hi.

Johan 3:24

Mite hong pai uh a, a kibaptaiz uh hi. Bang hang hiam i cih leh, Johan thong sungah kikhia nai lo hi.

Mangmuhna 1:15

a khete in zong mei sunga kisiangthosaksa sumngo tak tawh kibang hi. A aw in zong tuipi lian aw tawh kibang hi.

Mangmuhna 14:2

Tua lai takin vantung pan tui tampi ging bang ahi zongin, vanging bang ahi zongin aw khat ka za hi. Ka zak aw in gawsem tumte’ gawsem tum aw tawh kibang hi.

Mangmuhna 19:6

Tua lai takin mi honpi’ aw, tui lianpi’ aw, nakpi vanging’ aw bang kampau’ aw in: “Hallelujah! Bang hang hiam i cih leh, Vanglianpen Topa i Pasian in a mang hi.

1 SAMUEL MASA 9:4

Tua ciangin amaute in Efraim mual, mualtung gam leh Shalisha gam teng nawkin zong uh a, ahih hangin amaute in mu lo uh hi. Tua ciangin amaute in Sha-alim gam teng zong uh a, ahih hangin tua gamah na om lo hi. Tua ciangin amaute in Benjamin gam teng zong uh a, ahih hangin mu lo uh hi.