Johan 3:20 - Tedim Bible

²⁰ A hoih lo-a gamta mi khempeuh in khuavak a mudah uh a; amau gamtatnate a kilat loh nadingin khuavakna-ah a pai kei uh hi.

Tedim Bible Revision 2017

²⁰ A gamtat hoih lo mite in a siatna uh a kilat khak ding ut lo uh ahih manin khuavak deih lo uh a, khuavak ah pai nuam lo uh hi.

Johan 3:20 Iomraidhean Croise

2 SAMUEL NIHNA 13:9

Tua ciangin amah in sikbeldai la-in ama mai-ah sungkhia a, ahih hangin amah in ne nuam lo hi. Tua ciangin Amnon in, “Kei kiang panin mi khempeuh sawlkhia in,” a ci hi. Tua ahih ciangin ama kiang panin mi khempeuh paikhia hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 3:20

Tua ciangin zan kim lai takin amah tho-in, na nasemnu ka ihmut lai takin ka kiang panin ka tapa la-in ama ang-ah koih a, ama tapa si keima angah hong koih hi.

Late 50:17

Bang hang hiam cih leh note in hilhna na mudah uh a, ka thute na nunglam uhah na pai uh hi.

Paunak 1:29

Note in pilna deih loin, Topa na zahtak nuam kei uh a,

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Paunak 16:30

A mit hong sitsante in thusia a ngaihsun hi a, a neh hong piksante in thusia geel ahi hi.

Paunak 2:13

nuntakna manin a nungta lo, mawhna khuamial sungah a gamta,

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Paunak 5:12

Tua ciangin, “Bang hangin thu thei thei hoh lo a, hong kihilhna mang hoh lo ka hi hiam?

Jeremiah 9:6

Khat khit khat-in mite a bawl sia uh a, zuau zong a phuakphuak uh hi. Kei hong thei nuam lo uh hi, Topa in ci hi.

Luka 11:45

Thukham siate khat in, “Sia aw, tua bang na gen ciangin ko zong na hong taai hi,” a cih ciangin,

Johan 3:21

Ahih hangin thuman a gamta mi in ama gamtatna Pasian’ deihna tawh kituak cih a kilatsak nadingin khuavakna-ah a pai hi,” ci-in a gen hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.