Johan 3:17 - Tedim Bible

¹⁷ Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Tedim Bible Revision 2017

¹⁷ Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 3:17 Iomraidhean Croise

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Mattiu 18:10

“Note in hih naupangte khatpeuh mah na simmawh loh nadingun na kikeem un.

Mattiu 18:11

Bang hang hiam cih leh, amau’ vantung mite in, vantungah a om ka Pa’ maitang a mu niloh uh hi, ka ci hi. (Bang hang hiam na cih uh leh Mihing Tapa in a mangthang mite gumkhia dingin hong pai ahi hi).

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Johan 17:18

Nang in leitungah kei nong sawl mah bangin, amaute leitungah ka sawl hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 5:38

Ama thu in zong nomau sungah a om kei hi. Bang hang hiam na cih uh leh, a hong sawlpa no na um kei uh hi.

Johan 5:45

Pa mai-ah hong mawhsak ding hi ci-in hong um kei un. Note hong mawhsak ding mi khat a om lai hi. Tua pa in kua mi ahi hiam ci-in na dot uh leh, na muanpa uh Moses ahi hi.

Johan 6:29

Zeisu in, “Pasian hong sawlpa upna in Pasian nasepna ahi hi,” a ci hi.

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Johan 6:57

A nungta Pa in hong sawl a, Pa hangin ka nuntak mah bangin, keimah hong nete in kei hangin a nungta ding hi.

Johan 7:29

Keimah in ka thei hi. Bang hang hiam na cih uh leh, ama kiang panin kong pai a, amah in kei hong sawl hi,” ci-in biakna innpi sungah a hilh lai takin a kiko hi.

Johan 8:11

Numei in, “Kuamah in hong khen lo hi, Topa aw,” a ci hi. Zeisu in, “Ke’n zong kong khen kei ding hi. Pai in la, a nung ciangin na mawh nawn kei in,” a ci hi.

Johan 8:42

Zeisu in, “Pasian in note’ Pa ahih takpi leh, note in kei nong it ding uh hi. Bang hang hiam na cih uh leh, keimah in Pasian kiang pan hong pusuakin kong pai hi. Keima ut bangin kong pai kei hi, Amah in kei hong sawl hi.

1 JOHAN MASA 2:2

Tua Topa in eite mawhna tham loin, leitung mi khempeuh’ mawhna maisak nading ahi hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.