Johan 3:16 - Tedim Bible

¹⁶ “Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Tedim Bible Revision 2017

¹⁶ Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 3:16 Iomraidhean Croise

Piancilna 22:12

Amah in, “Tangvalpa su kei in, ama' tungah bangmah hih kei in; bang hang hiam cih leh nang in Pasian na zahtakna tu-in ka thei a, na tapa, na tapa khat bek ahi, keima adingin na humcip lohna ka mu hi,” ci hi.

Piancilna 22:2

Amah in, “Na it, na tapa khat bek ahi Isaak, la in la Moriah gamah pai in, tua lai mun-a nang' kiangah kong gen ding mual khat tungah meihal biak piakna-in amah hong pia in,” ci hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Marka 12:6

Lo neipa in a it mahmah tapa sawltak khat bek a neih, ‘Tua mite in ka tapa a zahtak ding uh hi,’ ci-in a nunung penin a sawl hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 10:28

Keimah in amaute nuntak tawntungna ka pia a, cikmah ciangin a kisia kei ding uh hi. Kuamah in ka tuute ka khut sung pan hong sut zo kei ding hi.

Johan 3:15

Bang hang hiam na cih leh, amah a um mi khempeuh in nuntak tawntungna a ngah nading uh ahi hi.”

Johan 3:18

Amah a um mi in thukhenna a thuak kei hi. Amah a um lo mi ahih leh, tu-in thukhenna a thuak zo hi. Bang hang hiam i cih leh, amah in Pasian’ Tapa khat bek min a um kei hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

ROM (Romans) 5:8

eite in mawh nei i hih lai takin Khazih in eite tang ding si ahih ciangin Pasian in eite hong itna hong kilangsak hi.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

Efesa 2:4

Ahih hangin hehpihna tawh kidim Pasian in eite hong it phat maninah,

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Titu 3:4

Eite Honpa Pasian’ hehpihna leh mite a hong itna hong kilat ciangin,

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

1 JOHAN MASA 4:19

Pasian in eite hong it masak maninah eite in amah i it hi.