Johan 3:10 - Tedim Bible

¹⁰ Zeisu in, “Nang in Israelte’ siapa na hi napi-in, hih thute thei lo na hi hiam?

Tedim Bible Revision 2017

¹⁰ Jesu in, “Israel miteʼ sia hi napi-in hih thu theithei lo na hi hiam?

Johan 3:10 Iomraidhean Croise

1 KHANG TANGTHU MASATE 29:19

Amah in a lungsim khempeuh tawh na thupiaknate, na tecipannate, leh na thukhamte kemin a vekpi-in sem a, keimah in ka vaihawmsa inn lianpi amah in lam theih nading ka tapa Solomon tungah utna lungsim guan in,” a ci hi.

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Late 51:6

En in, nang in nuntakna sungah thumanna na deih hi; tua ahih ciangin ka lungsim tawngah ciimna hong hilh in.

Late 73:1

A lungsim sung a siangtho, thutangte tungah Pasian hoih takpi hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Ezekiel 11:19

Amaute tungah kithu tuakin thumanna lungsim thak ka pia ding hi. Amaute’ suang lungtang paihkhiatsakin mihing lungtang ka guan ding hi.

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Luka 5:17

Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Johan 3:9

Nikodemas in, “Hih thute bangci piang zo ding ahi hiam?” ci-in a dot ciangin;

Sawltak 5:34

Tua lai takin mi khempeuh in a zahtak uh Pasian’ Thukham sia ahi Gamaliel, Farisai khat in vaihawmna lakah ding-a sawltakte pua lamah tomkha sung pusuak sak dingin thu a piak khit ciangin,

ROM (Romans) 2:28

Pua lam Judah mi in Judah mi hi takpi lo hi. Pua lam pan pumpi tungah sa-ah vun atna in vun atna takpi hi lo hi.

Thu-hilhkikna 10:16

Tua ahih ciangin Topa’ thu mang un la, lung khauh nawn kei un.

Thu-hilhkikna 30:6

Note in na lungsim khempeuh uh leh na nuntakna khempeuh uh tawh Topa na Pasian uh itin na hin’ theih nadingun, Topa na Pasian un note leh na suan leh khakte uh tungah thuman’ nopna lungsim hong guan ding hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Kolose 2:11

Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.