Johan 21:5 - Tedim Bible

⁵ Tua lai takin Zeisu in, “Ka taneute aw, ngasa na man uh hiam?” ci-in a dot ciangin, “Ka man het kei uh hi,” ci-in a dawng kik uh hi.

Tedim Bible Revision 2017

⁵ Jesu in amaute kiangah, “Tangvalte aw, ngasa na man uh hiam?” ci-in a dot leh amaute in, “Bangmah ka man kei uh hi,” ci-in a dawng uh hi.

Johan 21:5 Iomraidhean Croise

1 KUMPI MASATE 19:6

Amah khuadak a, en in, ama lutang gei-ah suangsa tungah a ki-em moh khat leh tui hai khat na om hi. Amah in ne-in dawnin lum kik hi.

Late 37:3

Topa muang in la gamtat hoih in; gam nuamah teeng in la thumanin om in.

Mattiu 14:15

Nitak ciangin a nungzuite in Topa kiangah va pai uh a, “Hih lai tak in gampa lak ahi hi. Ni lah a tum zo hi. Hih mihonte khua sungah an lei dingin paisak ta in,” a va ci uh hi.

Marka 8:7

Ngasa tawmkha nei uh ahih ciangin, hehpihna a phat khit ciangin, tuate zong mite lui ding thu a pia hi.

Filippi 4:19

Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

1 JOHAN MASA 2:13

Pate aw, a cil panin a om mi na thei uh ahih ciangin, note kiangah lai kong gelh hi. Tangvalte aw, note in a gilopa na zo uh ahih ciangin, note kiangah lai kong gelh hi. Naupang neute aw, note in Pa na thei uh ahih ciangin, note kiangah lai kong gelh hi.

1 JOHAN MASA 2:18

Ta neute aw, tu laitak hun in a nunung bel hun ahi hi. Khazih’ gal ahi Anti Khazih hong piang ding thu note in na za zo uh mah bangin, tu-in Anti Khazih tampi a om uh hi. Tua ahih ciangin tu hun in a nunung bel hun ahi hi cih i thei hi.