Johan 21:25 - Tedim Bible

²⁵ Zeisu’ hihna thu adang tampi a om lai hi. Tua ahih nate khempeuh gelh khin lehang a kigelhna laibu leitungah ta zo lo ding hi ci-in ka um hi.

Tedim Bible Revision 2017

²⁵ Jesu in a sep thute tampi tak om lai hi. A sep khempeuh a banbanin laibu sungah a kigelh hileh a laibute pen leitungah ta zo lo ding hi, ci-in ka um hi.

Johan 21:25 Iomraidhean Croise

JOB (Job) 26:14

Hihte in ama vangliatna themkhat bek hi pan a, i zak thute a heem lam bek hi pan hi. Pasian a liatna taktak kua in thei khin zo ding ahi hiam?” a ci hi.

Late 40:5

Topa ka Pasian aw, na sepna lamdangte leh ko’ adinga na ngaihsutnate tampi na phasak a, kuamah tawh teh theih na hi kei hi! Tuate pulakin gen ding hi leng, sim zawh ding hi lo hi.

Late 71:15

Thuman tawh na hotkhiatna nasepnate sim zawh lohin tam ahih manin sunthapai-in ka gengen ding hi.

Thuhilh-sia 12:12

Ka ta aw, na phawk ding thudang khat om hi. Lai gelh-a a bu-a bawlna in bei hun nei thei lo a, lai tam sin luatna in pumpi gim-sak hi.

Amos 7:10

Beth-el a, om siampi Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gamsung siasak ding hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Mattiu 19:24

Khatvei kong cih kikinah, sai khat in phim bil vangah a khumhak sangin, sumhau mite in Pasian’ Gam sungah lut nading a haksa zaw hi,” ci-in a nungzuite kiangah a gen hi.

Marka 5:16

A mu mite in dawi lutpa ahi zongin, vokte ahi zongin, bangci a piang ci-in amaute a zaksak uh ciangin,

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Hebru 11:32

Tua longal bang ci gen lai ding a om hiam? Gideon, Barak, Samson, Jefthah, David, Samuel akipan kamsangte thu teng gen nading hun kicing zo lo hi.