Johan 21:22 - Tedim Bible

²² Zeisu in, “Kong paikik hun matengin hih mi a om nading ka ut leh, nang in bang phamawhsa na hi hiam? Nang na hih leh, ka nung hong zui in,” ci-in thu a pia hi.

Tedim Bible Revision 2017

²² Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Johan 21:22 Iomraidhean Croise

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Mattiu 24:27

Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 24:44

Tua ahih ciangin note in zong kigingkhol un. Bang hang hiam na cih uh leh, na ngaihsut loh lai takun Mihing Tapa hong tung ding hi.”

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 8:22

Zeisu in, “Misite in amau misite na vui ta hen. Ka nung hong zui in,” a ci hi.

Marka 9:1

“Ke’n aman takpi kong cih-inah, Pasian Gam in vangliatna tawh hong tung, hih santakah a ding mi kimkhat in a muh matengin a si kei ding uh hi,” a ci hi.

Johan 21:19

Tua a genna in, Piter in bang ci-in a sihna tawh Pasian minthangsak ding cih lim a lah nopna ahi hi. Tua thu a gen khit ciangin Piter kiangah, “Ka nung hong zui in,” ci-in a gen hi.

Johan 21:21

Piter in Zeisu kiangah, “Topa aw, hih mipa in bang ahih ding hiam?” ci-in a dong hi.

1 KORIN MASA 11:26

Bang hang hiam na cih uh leh, note in hih khomun ne-in, hih hai na dawn simun, Topa hong paikik matengin ama’ sihna thu a lak na hi uh hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

1 THESALONIKA MASA 2:19

I Topa Zeisu hong kum ciangin a mai-ah kote lametna, lungdamna leh kisaktheihna lukhu in bang ahi hiam? Note hilo na hi uh hiam?

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

Jeim 5:8

Tua mah bangin note in zong thuakin ngak un. Na lungsim uh na kipsak un. Bang hang hiam na cih uh leh, Topa hong pai ding a nai zo hi.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Mangmuhna 2:25

Ahih hangin note in na ngahsa khempeuh uh ka hong pai dongin kip takin len un.

Mangmuhna 22:20

Hih thute teci a pang Topa in, “A man takin a manlangin ka hong pai ding hi,” ci-in thu hong pia hi. Amen. Topa Zeisu aw, hong pai ta in!

Mangmuhna 22:7

En in, a manlangin ka hong pai ding hi! “Hih laibu-ah a om, a nung ciangin a piang ding nate genkholhna thute a zui mi in thupha ngah mi ahi hi,” hong ci hi.

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.