Johan 21:15 - Tedim Bible

¹⁵ Tua ahih ciangin an a nek khit uh ciangin Zeisu in, “Johan’ tapa Simon aw, hih mite in kei hong it sangin nang hong itzaw na hi hiam?” ci-in Simon Piter a dong hi. Piter in, “Ahi hi, Topa aw, nang kong it na thei hi,” a cih ciangin, “Ka tuunote na vak in,” ci-in thu a pia hi.

Tedim Bible Revision 2017

¹⁵ An a nek khit uh ciangin Jesu in Simon Peter kiangah, “Johanʼ tapa Simon aw, hih a dang khempeuhteʼ hong it sangin kei na hong nak it zaw hiam?” ci-in a dot ciangin amah in, “Topa aw, ka hong it zaw hi. Nang ka hong itna na thei hi,” ci-in a dawng hi.

Johan 21:15 Iomraidhean Croise

Piancilna 33:13

Ahih hangin Jakob in ama kiangah, “Naupangte a hat lohna ka topa in na thei hi, tuuhonte leh bawnghonte a no ngek neite ka lung phamawh hi; ni khat sung kinak hawl lua leh gan honte khempeuh si ding uh hi.

2 SAMUEL NIHNA 7:20

David in nang tungah bang hong gen thuah nawn ding ahi hiam? Bang hang hiam cih leh nangmah in na nasempa na thei hi, O Topa Pasian!

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Jeremiah 23:4

Amaute don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Jeremiah 3:15

“‘Ka lungsim bang tuucing kong pia ding-a, amaute in pilna leh siamna tawh note hong uk ding uh hi.

Ezekiel 34:23

Amaute a cing dingin ka nasempa David ka koih ding a, amah in amaute hoih takin an vakin kem ding hi.

Ezekiel 46:24

A mipa in, “Hihte pen, mite in biakna-in a piaksate, biakinn sung nasemte in a huanna anbuk ahi hi,” hong ci hi.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Mattiu 18:10

“Note in hih naupangte khatpeuh mah na simmawh loh nadingun na kikeem un.

Mattiu 26:35

Piter in, “Nang tawh ka si khawm zongin, nangmah kong nial ngei kei ding hi,” a ci kik hi. A nungzuite khempeuh in zong tua mah bangin a ci uh hi.

Marka 14:29

Piter in, “Mi khempeuh a lungkia uh hangin keimah in ka lungkia kei ding hi,” a ci hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Luka 22:32

Ahih hangin nangma upna a siat loh nadingin ke’n thu kong ngetsak zo hi. Na kikheel kik khit ciangin ute naute na kipsak in,” a ci hi.

Johan 1:42

Zeisu in tua pa en a, “Nang in Johan’ tapa Simon na hi hi. Kefas hong kici ding hi,” a ci hi. Kefas in Piter cihnopna hi.

Johan 13:37

Piter in, “Topa aw, keimah in tu-in bang hangin hong zui zo lo ding ka hi hiam? Nang adingin ka nuntakna ka paai ding hi,” a ci hi.

Johan 16:27

Bang hang hiam na cih uh leh, note in kei nong it uh a, Pa kiang pan kong pai hi cih um na hih uh ciangin, Pa in zong note hong it ding hi.

Johan 21:12

Zeisu in, “Hong pai un la, zing an ne un,” a ci hi. Topa ahih lam a nungzuite in a theih uh ciangin, “Nang kua na hi hiam?” ci-in kuamah in a dong ngam kei uh hi.

Johan 21:7

Tua lai takin Zeisu’ it nungzuipa in Piter kiangah, “Topa ahi hi,” a ci hi. Topa ahih lam Simon Piter in a theih ciangin, puanak tungsilh guak tawh tuili sungah a tuaksuk hi.

Johan 8:42

Zeisu in, “Pasian in note’ Pa ahih takpi leh, note in kei nong it ding uh hi. Bang hang hiam na cih uh leh, keimah in Pasian kiang pan hong pusuakin kong pai hi. Keima ut bangin kong pai kei hi, Amah in kei hong sawl hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Sawltak 20:29

Ka pai khit ciangin gilo ngiate in nomau lakah lutin, a tuute a hehpih kei ding uh hi.

ROM (Romans) 14:1

Upna neu mi na mang un. Ahih hangin up khialh nading thute tua mi tawh na kikum kei un.

ROM (Romans) 15:1

A thahat eite in eite deih bang zui loin thahat lote a thanemna i thuakpih ding hi.

1 KORIN MASA 8:11

Amah tang ding Khazih a si, upna neu sanggampa in nangma pilna hangin kisia tazen hi!

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Efesa 6:24

Kisia lo itna tawh i Topa Zeisu Khazih a it mite khempeuh tungah hehpihna thupha om ta hen.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

1 JOHAN MASA 4:19

Pasian in eite hong it masak maninah eite in amah i it hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.