Johan 20:22 - Tedim Bible

²² Tua ciangin amaute tungah mut a, “Kha Siangtho na sang ta un.

Tedim Bible Revision 2017

²² Tua khit ciangin amaute lamah a hu sang a, “Kha Siangtho na sang un.

Johan 20:22 Iomraidhean Croise

Piancilna 2:7

Topa Pasian in leilak pan-a leivui tawh mihing bawl a, a nak sungah nuntakna hu sangsuk hi; mi in nuntakna a nei mihing hong suak pah hi.

JOB (Job) 33:4

Bang hang hiam cih leh Pasian’ Kha in kei hong bawl a, Vanglianpa in kei tungah nuntakna hu hong pia hi.

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Ezekiel 37:9

Tua ciangin amah in kei kiangah, “Ezekiel aw, huihte tungah thu gen in la, hih a sisa pumpite sungah hu sangin a hingkik sak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

Johan 14:16

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi.

Johan 15:26

“Pa kiang pan a pusuak, thuman thutak Kha Siangtho ahi Pa kiang pan no kiangah kong sawl ding Huhpa in a hong tun’ ciangin, keima ading teci a pang ding hi.

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Johan 20:23

Mi’ mawhna na maisak uh leh, tua mi’ mawhna kimaisak ding hi. Mi’ mawhna na maisak kei uh leh, tua mi’ mawhna kimaisak lo ding hi,” ci-in thu a pia hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 10:47

Tua ciangin Piter in, “Eite bangin Kha Siangtho a ngahte in tui sungah kibaptaiz loh nadingin kua in tui a kham zo hiam?” a cih ciangin,

Sawltak 19:2

“Note in na up khit uh ciangin Kha Siangtho na ngah uh hiam?” ci-in a dot leh, “Kha Siangtho om hi cih thu kote in zak zong ka za kei uh hi,” a ci uh hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Sawltak 4:8

Tua lai takin Piter in Kha Siangtho tawh kidim a,

Sawltak 8:15

Tuate a tun’ uh ciangin amaute in Kha Siangtho a ngah nadingun amaute ading thu a ngetsak uh hi.

Galati 3:2

Thukham zuihna hangin Kha Siangtho na ngah uh hiam, ahih kei leh, upna thu na ngahna uh hangin na ngah uh hiam ci-in thu khat bek note kiangah ka thei nuam hi.