Johan 20:19 - Tedim Bible

¹⁹ Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

Tedim Bible Revision 2017

¹⁹ Tua ni pen Nipi ni nitak lam hi a, nungzuite zong a nitakin inn sung khat ah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hi napi-in amaute lakah Jesu hong dinga, “Nopna ngah ta un,” ci-in a hopih hi.

Johan 20:19 Iomraidhean Croise

Late 122:8

Sanggamte leh kikholhpihte ka khualna-in, “Nang sungah nopna om ta hen!” ka ci ding hi.

Mattiu 10:13

Tua inn a kilawm leh, note thupha a tungah tung ta hen. A kilawm kei leh, note kiangah hong kileh kik ta hen.

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Marka 16:14

Tua nung ciangin, nungzui sawm-le-khatte in an a nek laitakun Zeisu amaute kiangah kilang a, amah a thawhkik khit ciangin a mu mite’ thugen um lo ahih uh ciangin, amaute’ upkhialhna leh lungkhauhna hangin a mawhsak hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 16:22

Tua ahih ciangin tu-in na dah uh hangin a nung ciangin keimah in note kong mukik ding a, no na lungdam ding uh hi. Note lungdamna kuamah in hong sut zo kei ding hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Johan 20:26

Tua nung ni giat ni ciangin, a nungzuite inn sungah khatvei kikhawm kik uh a, Thomas zong a om hi. Kongkhakte a kikhak lai takin Zeisu zong hong pai a, amau laizang ah ding-a “Nopna na ngah ta un,” a ci hi.

Johan 21:1

Tua nung ciangin, Tiberias tuili geiah a nungzuite kiangah Zeisu a kilak hi. A kilahna thu in hih bang ahi hi.

Johan 21:14

Hih kilakna in Zeisu sihna pan a thawhkik khit ciangin, a nungzuite kiangah thumvei a kilakna ahi hi.

Johan 7:13

Ahih hangin Judah mite a kihtak manunah kuamah in a tel takin a gen ngam kei uh hi.

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

ROM (Romans) 15:33

Nopna hong pia Pasian in note khempeuh tawh omkhawm ta hen. Amen.

1 KORIN MASA 15:5

Kefas kiangah a kilat khit ciangin sawm-le-nihte kiangah a kilang hi.

Efesa 2:14

Bang hang hiam na cih uh leh, tua Khazih in eite gal kilemna hi a,

Efesa 6:23

Ute naute tungah nopna om ta hen. Pasian leh Topa Zeisu Khazih kiang pan na ki-itna un upna tawh om ta hen.

Filippi 1:2

I Pa Pasian leh Topa Zeisu Khazih kiang pan hehpihna thupha leh nopna in note tungah om ta hen.

2 THESALONIKA NIHNA 3:16

Nopna’ Topa mahmah in note a tawntungin nopna apawl pawl hong pia ta hen. Topa in note khempeuh tawh omkhawm ta hen.

Hebru 7:2

Abraham in a ngah sum khempeuh seh sawm suah seh khat khenin a piak, Salem Kumpipa ahi, Sang Bel Pasian’ Siampi Melkhizedek in, a min bulpi a khiatna pen dikna’ Kumpipa, tua tham loin, nopsakna’ Kumpipa a cihnopna, Salem Kumpipa hi a,

3 JOHAN THUMNA 1:14

A sawt loin nang tawh kimu-in, khat leh khat kihopihin i kikup khop ding ka lamen hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,