Johan 20:13 - Tedim Bible

¹³ Amaute in, “Numei aw, bang hangin kap na hi hiam?” ci-a a dot uh ciangin Mari in, “Ka Topa a paikhiatpih zo uh a, koi-ah a koih uh cih ka thei kei hi,” a ci hi.

Tedim Bible Revision 2017

¹³ Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai ah koih ahi uh hiam, cih ka thei kei hi,” ci-in a dawng hi.

Johan 20:13 Iomraidhean Croise

Thuhilh-sia 3:4

Kah hun om a, nuih hun om hi. Dah hun om a, lam hun om hi.

Jeremiah 31:16

Topa in hong cih-inah: “Kap nawn kei un la, na khitui uh nul un. Bang hang hiam cih leh Topa in kong cih-inah, na nasepna uh thaman na ngah ding uh hi. Amaute galte’ gam panin hong ciahkik ding uh hi.

Luka 24:17

Zeisu in, “Note in lam na pai lai takun na kikup uh thu in bang thu ahi hiam?” ci-in a dot leh, maikhingin a khawl uh hi.

Johan 19:26

Tua hi a, Zeisu in a nu leh a it nungzuipa a kianga ding a muh ciangin, “Numei aw, nang in na tapa en in!” a ci hi.

Johan 2:4

Zeisu in, “Numei aw, kei tawh bang kikum i hi hiam? Ka hun a tung nai kei hi,” a ci hi.

Johan 20:15

Zeisu in, “Numei aw, bang hangin kap na hi hiam? Kua zong na hi hiam?” ci-in a dot leh, Mari in Zeisu pen huan cingpa a sak man-inah, “Topa aw, amah na paikhiatpih leh koi-ah na koih hiam hong gen in. Keimah in ka va la ding hi,” a ci hi.

Johan 20:2

Tua ahih ciangin tai mengmeng a, Piter leh Zeisu’ it nungzuipa kiangah tungin, “Han sung pan Topa’ luang a paikhiatpih zo uh hi. Koi lai takah a koih uh hiam ka thei kei hi,” ci-in a gen hi.

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

1 SAMUEL MASA 1:8

Tua ciangin ama pasal Elkanah in ama kiangah, “Hannah aw, bang hangin kap na hi hiam? Bang hangin an ne lo na hi hiam? Bang hangin na lungsim dah ahi hiam? Keimah in tapa sawm sangin nang adingin hoihzaw hilo ka hi hiam? ” a ci hi.