Johan 2:4 - Tedim Bible

⁴ Zeisu in, “Numei aw, kei tawh bang kikum i hi hiam? Ka hun a tung nai kei hi,” a ci hi.

Tedim Bible Revision 2017

⁴ Tua ciangin Jesu in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi.

Johan 2:4 Iomraidhean Croise

2 SAMUEL NIHNA 16:10

Ahih hangin kumpipa in, “No Zeru-iah’ tapate aw, note tawh bang kisai ahi hiam? Topa in ama kiangah, ‘David samsia in,’ a cihna hangin hong samsia ahih leh, ‘Bang hangin tua ci hih na hi hiam?’ kua in ci ding ahi hiam?” a ci hi.

2 SAMUEL NIHNA 19:22

Ahih hangin David in, “Note in tu ni-in kei lang bangin na om nadingun no Zeru-iah’ tapate tawh kei bang kisai i hi hiam? Tu ni-in Israel sungah mi khatpeuh kithat ding ahi hiam? Bang hang hiam cih leh tu ni-in Israelte tungah kumpi ka hihna thei hilo ka hi hiam?” a ci hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei lang khatah bang thu nei na hi hiam? Ka khialhna kiphawk kiksak ding leh ka tapa’ sihna a piangsak dingin kei kiangah nong pai hi!” a ci hi.

Thuhilh-sia 3:1

Hih leitungah a piang thu khempeuh Pasian in ama pian’ hun dinga a sehsa hunin a pian’sak ahi hi.

Mattiu 15:28

Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Luka 2:49

Naupang in, “Bang hangin kei hong zong na hi uh hiam? Ka Pa innah om ka hih lam thei lo na hi uh hiam?” a ci hi.

Johan 12:23

Zeisu in, “Mihing Tapa in minthan’na a ngah hun hong tung zo hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Johan 2:3

Leenggahtui a bei ciangin Zeisu’ nu in Zeisu kiangah, “Leenggahtui a nei kei uh hi,” ci-in a ko hi.

Johan 20:13

Amaute in, “Numei aw, bang hangin kap na hi hiam?” ci-a a dot uh ciangin Mari in, “Ka Topa a paikhiatpih zo uh a, koi-ah a koih uh cih ka thei kei hi,” a ci hi.

Johan 20:15

Zeisu in, “Numei aw, bang hangin kap na hi hiam? Kua zong na hi hiam?” ci-in a dot leh, Mari in Zeisu pen huan cingpa a sak man-inah, “Topa aw, amah na paikhiatpih leh koi-ah na koih hiam hong gen in. Keimah in ka va la ding hi,” a ci hi.

Johan 7:30

Tua ahih ciangin amaute in Topa mat nadingin a vaihawm uh hangin ama hun tung nai lo ahih ciangin, kuamah in ama tungah khut a nga kei hi.

Johan 7:6

Tua ahih ciangin Zeisu in, “Ka hun a tung nai kei hi; note hun ahih leh, a kicingkhol niloh hi.

Johan 7:8

Tua pawikhawmna ah no na pai un. Kei hih pawikhamna sungah ka pai nai kei ding hi,” a ci hi.

Johan 8:20

Biakna innpi sungah thu a hilh lai takin, sumkholna dei sungah hih thu a gen hi. A hun tung nai lo ahih ciangin kuamah in a man kei uh hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Thu-hilhkikna 33:9

a nu leh a pa sangin nang hong thupi ngaihsut zaw a, ‘Amaute ka thupisim kei hi,’ a ci pa ahi hi; amah in a sanggamte paai khia-in, a tate don lo hi. Bang hang hiam cih leh amaute in na thu mangin, na thuciamna zui uh hi.