Johan 2:23 - Tedim Bible

²³ Paisan pawi sung Jerusalem khua-ah a om lai takin, Zeisu in nalamdang a lahte mi tampi in a muh uh ciangin Zeisu a um uh hi.

Tedim Bible Revision 2017

²³ Paisan Pawi hun laitakin Jerusalem khua sungah Jesu a om sungin Jesu in vangliatna tawh nalamdang a bawlte mu uh ahih manin mi tampi in amah a um uh hi.

Johan 2:23 Iomraidhean Croise

Luka 8:13

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.

Johan 11:45

Tua ahih ciangin Mari kiangah hong pai Judah mi tampite in Zeisu’ bawlna a muh uh ciangin a um uh hi.

Johan 2:11

Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

Johan 2:13

Judah mite’ Paisan pawikham hun ahih ciangin, Jerusalem khua-ah Zeisu a paito hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 4:45

Tua ahih ciangin, Galile gam a tun’ ciangin Galile mite in amah a ngai uh hi. Bang hang hiam i cih leh, Jerusalem khua pawikhamna-ah a bawl nate khempeuh a mu uh hi. Bang hang hiam i cih leh, tuate zong pawikhamna-ah a pai uh hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 6:2

Cinate tungah a lamdang lim a lahna a mu mihonpite in a nung a zui uh hi.

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

1 JOHAN MASA 3:23

Ama thupiakna in a Tapa Zeisu Khazih’ min eite in umin, ama hong piaksa thu bangin khat leh khat ki-it nading ahi hi.