Johan 2:18 - Tedim Bible

¹⁸ Tua ahih ciangin Judah mite in, “Nang in hih bang na hihna tawh bang nalamdang hong lak na hi hiam?” a ci uh hi.

Tedim Bible Revision 2017

¹⁸ Tua ciangin Jerusalem khua ah a om Jew uliante Jesu kiangah hong pai uh a, “Hih bangin na gamtat theih nading thu na neihna bang lim tawh hong lak thei ding na hi hiam?” ci-in a dot uh ciangin

Johan 2:18 Iomraidhean Croise

1 KUMPI MASATE 13:3

Tua ciangin tua ni mahin amah in lim khat pia a, “Hih in Topa in thu a gen khitna lim hi: ‘En in, biakna tau kiphelin a tunga om vutte kibuakhia ding hi,” a ci hi.

Paikhiatna 7:9

“Faro in note' kiangah, ‘Note a thutak na hihna uh nalamdang khat tawh hong lak un,’ hong cih ciangin nangmah in Aaron’ kiangah, ‘Gulpi khat a suah theih nadingin na ciangkhut la in la, Faro’ mai-ah khiasuk in,’ ci in,” a ci hi.

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

Marka 8:11

Tua lai takin Farisaite hong pusuak uh a, Zeisu tawh thu a kinial uh ciangin, ze-et nadingin vantung pan lim a ngen uh hi.

Luka 11:29

Mihonpite in Zeisu kiangah a kikhop lai takun amah in, “Hih khang mite in mi gilote ahi uh hi. Amau in lim a zon’ uh hangin Jonah lim longal, lim dang amau tungah a kilak kei ding hi.

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 1:25

Amaute in, “Khazih hi lo, Elijah hi lo, kamsangpa hi lo na hih leh, bang dingin na baptaiz hiam?” ci-in a dongkik uh hi.

Johan 6:30

Tua ahih ciangin, amau in, “Topa aw, kong muh uh a, kong up na’ngun nalamdang bang hong lak na hi hiam? Bang hong bawl ding na hi hiam?

Sawltak 4:7

Amaute laizangah sawltakte ding sak uh a, “Note in bang vangliatna tawh, a kua min tawh, hih na hi uh hiam?” ci-in a dong uh hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.