Johan 2:16 - Tedim Bible

¹⁶ Vakhu zuakte kiangah zong, “Hih nate na paimangpih un. Ka Pa’ inn sumzuakna inn na suaksak kei un,” a ci hi.

Tedim Bible Revision 2017

¹⁶ Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Paʼ inn pen sumzuakna inn phualpi-in nei kei un,” a ci hi.

Johan 2:16 Iomraidhean Croise

Jeremiah 7:11

Ka min tawh a kilo hih biakinn no’ ngaihsutna-ah misuam buluhte’ bukna mun bang-a ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Mattiu 21:12

Zeisu in Pasian biakna innpi sungah a lut ciangin, biakna innpi sungah sumzuakte leh sumleite khempeuh hawlkhia in, dangka kheekte’ sabuaite leh vakhu zuakte’ tutphahte sawnthal sak a,

Mattiu 21:13

“Ka inn in thungetna inn a kici ding hi,’ ci-in Lai Siangtho sungah a kigelh hangin, note in guta buluhte omna na piangsak tazen uh hi,” a ci hi.

Mattiu 22:5

Ahih hangin a sapte in thusim lo uh a, khat lo a kuan hi; khat sumzuakin a pai hi.

Marka 11:17

“Ka inn in mipawl khempeuhte thungetna inn a kici ding hi,’ ci-in Lai Siangtho sungah kigelh hilo ahi hiam? Ahih hangin note in tua inn guta buluhte omna na piangsak tazen uh hi,” ci-in a hilh hi.

Luka 2:49

Naupang in, “Bang hangin kei hong zong na hi uh hiam? Ka Pa innah om ka hih lam thei lo na hi uh hiam?” a ci hi.

Johan 10:29

Amaute hong pia ka Pa in na khempeuh sangin lianzaw ahih ciangin, ka Pa’ khut pan kuamah in a sut zo kei ding hi.

Johan 2:15

a sat nading khautep a bawl khit ciangin tuate khempeuh, tuu leh bawngte biakna inn sung pan hawlkhia a, sumkheekte’ dangkate bua-in amaute sabuaite a sawnpai hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 5:17

Zeisu in, “Ka Pa in tudongin a sem hi; ke’n zong ka sem hi,” ci-in a dawng kik hi.

Johan 8:49

Zeisu in, “Keimah in dawilawm nei ka hi kei hi. Ka Pa ka zahtak a, note in kei nong simmawh uh hi.

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.