Johan 2:14 - Tedim Bible

¹⁴ Biakna innpi sungah bawngte, tuute, vakhute a zuakte leh sumkheekte tu-a om uh a muh ciangin;

Tedim Bible Revision 2017

¹⁴ Biakinn huang sung a lut ciangin bawng, tuu le kawl vakhu zuakte mu a, sumkhekte zong a sumkhekna sabuai ah a tu mu hi.

Johan 2:14 Iomraidhean Croise

Ezekiel 36:38

Tu hun-in a sia-a a omcip khuapite pen, a kiseh pawi hun ciangin biak nadingin a kipaipih, Jerusalem-a tuu honpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Marka 11:15

Jerusalem khua-ah Zeisu a tun’ ciangin biakna innpi sungah lut a, biakna innpi sunga sumzuakte leh sum leite khempeuh hawlkhia a, dangka kheekte’ sabuaite leh vakhu zuakte’ tutphahte sawnthal sak a;

Marka 11:17

“Ka inn in mipawl khempeuhte thungetna inn a kici ding hi,’ ci-in Lai Siangtho sungah kigelh hilo ahi hiam? Ahih hangin note in tua inn guta buluhte omna na piangsak tazen uh hi,” ci-in a hilh hi.

Johan 2:15

a sat nading khautep a bawl khit ciangin tuate khempeuh, tuu leh bawngte biakna inn sung pan hawlkhia a, sumkheekte’ dangkate bua-in amaute sabuaite a sawnpai hi.