Johan 19:41 - Tedim Bible

⁴¹ Singlamteh tungah thahna mun tawh kinai-ah huan khat om a, tua huan sungah kuama kivui ngei lohna han thak khat a om hi.

Tedim Bible Revision 2017

⁴¹ Jesu, singlamteh tungah a kithahna mun tawh kinai ah huan khat om a, tua huan sungah kuamah a kivui ngei nai lohna hankhuk thak khat a om hi.

Johan 19:41 Iomraidhean Croise

2 KUMPI NIHNATE 23:30

Tua ciangin ama nasemte in Megiddo panin a sisa-in leeng khat sungah amah pua-in Jerusalem ah ciahpih uh a, a hanah amah vui uh hi. Tua ciangin tua gam mite in Josiah’ tapa Jehoahaz la-in sathau nilh uh a, a pa’ tangin kumpi-in amah koih uh hi.

Isaiah 22:16

Hih lai-ah nangma ading hankhuk a to, a sangna munah hankhuk a bawl, na om nading suang a khuak mipa aw, nang in hih lai-ah bang hih a, vui ding kua nei na hi hiam?

Mattiu 27:60

suang kikhuak ama han thak sungah sial a, han kong vangah suangpeek lian khat lik a, a khak khit ciangin a pai hi.

Luka 23:53

Amah in Zeisu’ luang lasukin saihadial puan tawh a tun khit ciangin, mi kivui ngei lohna suang kikhuak han sungah a sial hi.

Johan 19:42

Judah mite kigin kholh ni nai ahih ciangin, tua hanah Zeisu a vui uh hi. Bang hang hiam i cih leh, tua han a nai hi.

Johan 20:15

Zeisu in, “Numei aw, bang hangin kap na hi hiam? Kua zong na hi hiam?” ci-in a dot leh, Mari in Zeisu pen huan cingpa a sak man-inah, “Topa aw, amah na paikhiatpih leh koi-ah na koih hiam hong gen in. Keimah in ka va la ding hi,” a ci hi.