Johan 19:4 - Tedim Bible

⁴ Pilat va paikhia kik a, “Hih mi tungah bangmah mawhna ka muh loh na theih nadingun note kiangah kong lakhia hi,” a ci hi.

Tedim Bible Revision 2017

⁴ Pilat zong khatvei hong pusuakkikin mihonte kiangah, “Ama khialhna bangmah a mu lo ka hihna thu na theih nadingun note kiangah Jesu ka hong pai khiasak hi,” a ci hi.

Johan 19:4 Iomraidhean Croise

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Mattiu 27:24

Pilat in kham zo lo tham loin mi’ gamlumna a khangto semsem a muh ciangin, tui la-in mihonpite maiah a khut silin, “Hih miphapa’ si tungah kei ka mawh kei hi. Hih thu note thu thu hi ta hen,” a ci hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Luka 23:4

Pilat in, “Hih pa tungah mawhna ka mu kei hi,” ci-in siampi liante leh mihonpite kiangah a gen hi.

Luka 23:41

Eite in thuman thu tanna i thuak hi. Bang hang hiam na cih leh, eite’ hihna tawh kituak i thuak hi. Hih pa ahih leh, bangmah mawhna a bawl kei hi,” ci-in a lawmpa a taai hi.

Luka 23:47

Galkap mangpa in tua thu piangte a muh ciangin, “Hih pa in mi diktat mi ahi hi,” ci-in Pasian’ min a phat hi.

Johan 18:33

Pilat mang inn sungah a lut khit ciangin Zeisu sam a, “Nang Judah Kumpipa na hi hiam?” ci-in a dong hi.

Johan 18:38

Pilat in, “Thuman thutak bang ahi hiam?” a ci hi. Tua thu a gen khit ciangin Judah mite kiangah paikhia a, “Hih mi tungah mawhna ka mu kei hi.

Johan 19:6

Siampi liante leh upate in Zeisu a muh uh ciangin, “Singlamteh tungah that in! “Singlamteh tungah that in!” ci-in a kiko kik uh hi. Pilat in, “Nomau in amah la un la, singlamteh tungah that un. Ama tungah mawhna ka mu kei hi,” a ci hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

1 PETER MASA 2:22

Amah in mawhna ahih kei hi, a kam panin zong thu zuau a kimu kei hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.