Johan 19:29 - Tedim Bible

²⁹ Tua munah tuikha tawh kidim beel khat om a, amaute in tuipaan khat tuikha sungah a diah khit uh ciangin, pumpeeng dawnah bulhin ama kamah a bak uh hi.

Tedim Bible Revision 2017

²⁹ Tua lai ah beel khat dimin leenggah-zuhau om ahih manin amaute in tua sungah tuihupna diahin puknah hiang dawnah a koih khit uh ciangin Jesuʼ kam ah a va tah to uh hi.

Johan 19:29 Iomraidhean Croise

1 KUMPI MASATE 4:33

Amah in Lebanon a, om taamtaak-a kipan phungmai a, a po puknahte dongin singkung thu gen hi; amah in khe li nei ganhingte, leh vasate, leh a bokvak ganhingte, leh ngasate thu gen hi.

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

Paikhiatna 12:22

Puknah lom khat la un la, kuang sunga a om sisan sungah diahin, kuang sunga a om sisan tawh bangtungzawl leh kongkhak khuam nihte nuh un; zingsang matengin a inn kongkhak pua-ah kuamah paikhia lo ding hi.

Gamlak-vakna 19:18

tua ciangin a siang mi khat in puknah la-in a tui sungah diah ding a, puanbuk tung leh a nazatte khempeuh tung leh tua lai-ah a om mi khempeuh tung leh guh ahi a, a kithat mi ahi a, misi ahi a, han ahi zongin a lawng mipa tungah theh ding hi;

Mattiu 27:34

zatui kha tawh kihel leenggahtui a dawn dingin Zeisu a piak uh hangin, a ciap ciangin a dawn nuam kei hi.

Mattiu 27:48

Amaute khat in thakhatin va tai a, tui hupna la-in tuithuk sungah a diah khit ciangin, pumpeeng dawnah suangin Zeisu tawp dingin a pia hi.

Mattiu 27:50

Zeisu in khatvei nakpi-in a kiko kik khit ciangin a si hi.

Marka 15:36

Mi khat va tai a, tui hupna la a, tuithuk sungah a diah khit ciangin, pumpeeng dawnah suangin, a tawp dingin Zeisu pia a, “Om dih ni. Elijah in amah lakhia dingin hong pai ding, hong pai lo ding en dih ni,” a ci hi.

Luka 23:36

Galkapte zong pai uh a, tuithuk pia-in,