Johan 19:18 - Tedim Bible

¹⁸ Tua san takah amaute in Zeisu singlamteh tungah a khai uh hi. Amah tawh a lang tuakah mi nih zong a khai uh hi. Zeisu a lai zangah a om hi.

Tedim Bible Revision 2017

¹⁸ Tua lai mun panin singlamteh tungah khai uh a, ama lang tuakah zong midang khat tuak mah khai-in a laizang ah Jesu a kikhai hi.

Johan 19:18 Iomraidhean Croise

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Mattiu 27:44

Tua mah bangin singlamteh tungah Zeisu tawh kikhai khawm misuamte in zong a zahko uh hi.

Johan 18:32

Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Johan 19:32

Tua ahih ciangin galkapte hong pai uh a, Zeisu tawh singlamteh tungah kithat mi khat’ khe a kuaih tan khit uh ciangin, adang khatpa’ khe a kuaitan uh hi.

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.