Johan 19:17 - Tedim Bible

¹⁷ Tua lai takin amaute in Zeisu la-in a paipih uh hi. Zeisu in ama singlamteh pua a, Hebru kamin ‘Golgotha’ kici ‘Lutangguh Mun’ kicihna ah pai dingin a paikhia hi.

Tedim Bible Revision 2017

¹⁷ Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Johan 19:17 Iomraidhean Croise

Piancilna 22:6

Abraham in meihal biakna sing la-in a tapa Isaak’ tungah suan hi; amah in a khut sungah mei leh temta tawi hi. Tua ahih ciangin amaute gel paikhawm uh hi.

1 KUMPI MASATE 21:13

Tua ciangin mi ginalo nihte hong pai-in ama mai-ah tu uh hi; tua ciangin mi ginalo nihte in mite’ mai-ah Naboth’ mawhna zong uh a, “Naboth in Pasian leh kumpipa samsia hi,” ci uh hi. Tua ahih ciangin amaute in khuapi pua lamah amah paipih uh a, suang tawh amah denglum uh hi.

Siampi Laibu 24:14

“A samsia mipa pen giahphual pua lamah paipih in; ama samsiat a za mi khempeuh ama lu tungah amau’ khut nga sak in la, mihonte khempeuh amah deng sak in.

Mattiu 10:38

A singlamteh pua-a ka nung hong zui lote in, kei tawh kituak lo hi.

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Mattiu 27:37

‘HIH PA IN JUDAHTE’ KUMPIPA ZEISU HI,’ ci-in a mawhsakna lai a lu tungah a suang uh hi.

Marka 10:21

Zeisu in tua pa a et ciangin it a, “Na khat na sam lai hi. Pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Marka 15:26

“JUDAHTE’ KUMPIPA HI”, ci-in a mawhsakna lai a tungah a kigelh hi.

Marka 15:32

Ka muh uh a, ka up nadingun Israel’ Kumpipa Khazih in singlamteh tung pan hong kumsuk ta hen,” ci-in khat leh khat a kici uh a, a zahko uh hi. Singlamteh tungah Zeisu tawh a kikhai khawmte in zong a zahko uh hi.

Marka 8:34

Tua ciangin Zeisu in a nungzuite leh mihonpite a sap khit ciangin, “Mi khatpeuh in kei hong zuih nop leh, ama pumpi nial a, a singlamteh pua-in hong zui ta hen.

Luka 14:27

A singlamteh pua a, ka nung hong zui lote in keima nungzui a suak zo kei ding hi.

Luka 23:26

Amaute in Zeisu a paipih lai takun, gampa lak panin hong pai Simon kici Sairin mi khat, Zeisu nung lamah singlamteh pua dingin a tungah a suan uh hi.

Luka 23:33

‘Lutang Guh’ kici mun a tun’ uh ciangin, Zeisu tawh migilo nih a ziatlam khat, a veilam khat singlamteh tungah a khaikhawm uh hi.

Luka 23:38

“HIHPA IN JUDAHTE’ KUMPIPA HI,” ci-in kigelhna lai a tungah a om hi.

Luka 9:23

Mi khempeuh kiangah Zeisu in, “Mi khatpeuh in kei hong zuih nop leh, a pumpi nial a, ama singlamteh ni simin pua-in hong zui ta hen.

Johan 19:13

Tua thu a zak ciangin Pilat in Zeisu paikhiatpih a, Hebru kamin ‘Gabbatha’ kici ‘Suangphah’ a cihna munah thukhenna tokhom tungah a tu hi.

Johan 5:2

Jerusalem khua-ah Tuu Kongkhak tawh kinai, Hebru pau-in Bethzatha kici bual khat a om hi. Tua bual kimkot ah buk nga a om hi.

Sawltak 7:58

khua nawlah a hawlkhiat khit uh ciangin suang tawh a deeng uh hi. Teci a pangte in a puan uh Saul kici tangvalpa khat khe kiangah a koih uh hi.