Johan 18:8 - Tedim Bible

⁸ Zeisu in, “Kei tua pa ka hi hi kong ci zo hi,” a ci hi.

Tedim Bible Revision 2017

⁸ Tua ciangin Jesu in, “Keimah ka hi hi, ci-in kong gen khinzo hi. Kei hong zong na hih uh leh hih a dangte khah lel un,” a ci hi.

Johan 18:8 Iomraidhean Croise

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Mattiu 26:56

Hih thute khempeuh in Pasian’ kamsangte’ gelhsa Lai Siangtho hong tun’ nading ahi hi,” ci-in mihonpite kiangah a gen hi. Tua ciangin, a nungzuite khempeuh in Topa a taisan uh hi.

Johan 10:28

Keimah in amaute nuntak tawntungna ka pia a, cikmah ciangin a kisia kei ding uh hi. Kuamah in ka tuute ka khut sung pan hong sut zo kei ding hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Johan 13:36

Simon Piter in, “Topa aw, koi lam pai ding na hi hiam?” a cih ciangin Zeisu in, “Ka paina lamah tu-in nong zui zo kei ding hi. Tu nung ciangin na hong zui ding uh hi,” a ci kik hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

Johan 18:7

Tua ciangin Zeisu in, “Note in kua zong na hi uh hiam?” ci-in a dot kik leh, amaute in, “Nazareth mi Zeisu ka zong uh hi,” a ci uh hi.

Johan 18:9

‘Kei na hong piak mite khat beek a mangthang kei hi,’ a cihna thu a tun’ nadingin Zeisu in, “Kei hong zong na hih uh leh, hih mite paikhia ta hen!” a ci hi.

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

2 KORIN NIHNA 12:9

Ka thuum khit ciangin, “Ka hehpihna thupha in nang ading a kicing hi, ka vangliatna in thanemna ah a kicing hi,” ci-in thu hong pia hi. Tua ahih ciangin Khazih’ vangliatna in kei tungah hong tun’ nadingin ka thanemna hangin ka kisaktheih zawk nading ka utzaw hi.

Efesa 5:25

Pasalte aw, Khazih in pawlpi a it mah bangin na zite uh na it un.

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.