Johan 18:5 - Tedim Bible

⁵ Amaute in, “Nazareth mi Zeisu ka zong uh hi,” a cih uh leh, “Kei tua pa ka hi hi,” a ci hi. A lehheekpa Judas in amaute tawh a ding khawm hi.

Tedim Bible Revision 2017

⁵ Amaute in, “Nazareth khuami Jesu a zong ka hi uh hi,” a ci hi. Jesu a lehhek Judas zong tua mihonte tawh hong ding khawm hi.

Johan 18:5 Iomraidhean Croise

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Johan 1:46

Nathanael in, “Nazareth khua sung pan na hoih khat hong piang thei ding hiam?” ci-in a dot leh, Filip in, “Hong pai in la, hong en in,” a ci hi.

Johan 18:4

Tua ahih ciangin Zeisu in ama tungah a piang ding thu khempeuh thei ahih ciangin paikhia a, “Note in kua zong na hi uh hiam?” ci-in a dong hi.

Johan 18:6

Tua lai takin Zeisu in, “Kei tua pa ka hi hi,” ci-in a gen ciangin amaute nunglamah kin uh a, lei ah a puk uh hi.

Johan 19:19

Pilat in laigelh a, singlamteh tungah a suang hi. Tua lai in, “JUDAHTE’ KUMPIPA, NAZARETH KHUAMI ZEISU AHI HI,” ci-in a kigelh hi.