Johan 18:32 - Tedim Bible

³² Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Tedim Bible Revision 2017

³² (Jesu in ama sihna ding zia a gen sa thu a tun theih nadingin hih bangin a piang ahi hi.)

Johan 18:32 Iomraidhean Croise

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 26:2

“Ni nih khit ciangin Paisan pawikhamna hong tung ding cih na thei uh hi. Tua lai takin Mihing Tapa in singlamteh tungah thah dingin kipia ding hi,” a ci hi.

Marka 10:33

Tua lai takin Zeisu in sawm-le-nihte sam kik a, “En un, eite Jerusalem khuapi ah i pai ding hi. Mihing Tapa in siampi liante leh laitheite’ khut tungah a kipia ding hi. Amaute in ama sih nadingin thu a khen khit uh ciangin, Gentailte’ khut tungah a pia ding uh hi.

Johan 10:31

Tua ahih ciangin Judah mite in suang tawh deeng dingin suang a tawm kik uh hi.

Johan 10:33

Judah mite in, “Apha bawlna hangin suang tawh hong deeng ding ka hi kei uh hi. Nang mihing hi napi-in Pasian bangin na kibawl a, Pasian na gensiat maninah suang tawh hong deeng ding ka hi uh hi,” a ci kik uh hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Johan 18:31

Tua ahih ciangin Pilat in, “Hih pa la un la, note ngeina bangin thu na khen un,” a ci hi. Judah mite in, “Kote in mi thah theih nading thu ka nei kei uh hi,” a ci uh hi.

Johan 21:19

Tua a genna in, Piter in bang ci-in a sihna tawh Pasian minthangsak ding cih lim a lah nopna ahi hi. Tua thu a gen khit ciangin Piter kiangah, “Ka nung hong zui in,” ci-in a gen hi.

Johan 3:14

“Moses in gamlakah gul a khai bangin Mihing Tapa a kikhai ding hi.

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

Sawltak 7:59

Suang tawh a den’ lai takun Stefen in Pasian kiangah thungenin, “Topa aw, ka kha hong la ta’n,” a cih khit ciangin,

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Thu-hilhkikna 21:23

zan tawntung sing tungah ama luang na omsak kei ding uh a, a ni mah-in na phum ding uh hi; bang hang hiam cih leh khuam tungah a kikhai mi in Pasian’ hamsiat thuak ahi hi, Topa na Pasian un luah dingin note hong piakna na leitang uh na ninsak kei ding uh hi.