Johan 18:26 - Tedim Bible

²⁶ Piter in a bil a satpa tawh a kibeh, siampi ukpa’ sila khat in Piter kiangah, “Nang Zeisu tawh huan sungah hong mu hilo ka hi hiam?” a cih ciangin,

Tedim Bible Revision 2017

²⁶ Tua ciangin siampi lianpen paʼ nasem, Peter in a bil a sat khiatsak paʼ behte khat in, “Huan sungah amah tawh na om khawm lai-un hong mu hi lo ka hi hiam?” a cih ciangin,

Johan 18:26 Iomraidhean Croise

Paunak 12:19

Thuman genna kip tawntung a, thuzuau genna tomno sung bek kimang hi.

Mattiu 26:73

Tua nung a sawt nai loin tua munah a dingte in Piter kiangah hong pai uh a, “Hua mite khat na hi takpi hi. Na pau in hong kitheisak hi,” a cih uh ciangin

Luka 22:58

Tua nung a sawt loin midang khat in Piter mu a, “Hua mite khat na hi hi,” a ci hi. Piter in, “Lawm aw, ka hi kei hi,” a ci hi.

Johan 18:1

Zeisu in hih bangin thu a nget khit ciangin, a nungzuite tawh tua mun nusia-in Kidron Kuam a kantan uh hi. Tua kuam galkhat ah Oliv huan khat a om hi; tua huan sungah amah leh a nungzuite a lut uh hi.

Johan 18:10

Tua lai takin Simon Piter in a namsau puak a dawh khit ciangin, siampi ukpa’ silapa sat a, a taklam bil a satkhia hi. Tua silapa min in Malkhas ahi hi.