Johan 17:4 - Tedim Bible

⁴ Ka sep dinga nong piak na khempeuh sem zo ka hih man-inah leitungah na min ka thangsak zo hi.

Tedim Bible Revision 2017

⁴ Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 17:4 Iomraidhean Croise

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Johan 12:28

Pa aw, na min na thangsak in,” a ci hi. Tua ciangin, vantung pan aw khat ging a, “Ka thangsak zo a, khatvei ka thangsak kik ding hi,” a ci hi.

Johan 14:13

Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi.

Johan 14:31

Ahih hangin keimah in Pa’ hong thupiakna bangin ka hih a, Pa ka it cih leitung mite in a theihtheih nading ahi hi. Tho un, paikhia ni.”

Johan 15:10

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

Johan 19:28

Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Johan 19:30

Tua hi a, Zeisu in tui a ngah khit ciangin, “A zo zo hi,” ci-a a lu su-in a si hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 9:3

Zeisu in, “Hih pa’ mawhna hang ahi zongin, a nu leh pa’ mawhna hang ahi zongin ahi kei hi. Pasian’ nasepna ama tungah a kilat theih nadingin mittaw-in a suak hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

2 TIMOTI NIHNA 4:7

Galdona a pha ka do zo hi, tai nading lam a mong dongin ka tai zo hi, upna thu ka keem zo hi.