Johan 17:26 - Tedim Bible

²⁶ Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.

Tedim Bible Revision 2017

²⁶ Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:26 Iomraidhean Croise

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi:

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Johan 15:15

Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Johan 15:4

Kei sungah om un. Keimah in zong note sungah ka om ding hi. Leenggah hiang in gui tungah a om kei leh, ama ut bangin a gah zo lo bangin, note in zong keima sungah na om kei uh leh, na gah zo kei ding uh hi.

Johan 15:9

Pa in kei hong it bangin no kong it hi; ka itna sungah om un.

Johan 17:6

“Leitungah na hong piaksa mite kiangah na min ka lak zo hi. Tuate in nangma neihsa ahi uh a, kei nong pia zo hi. Nangma thu amaute in a zui uh hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 6:56

Ka sa ne a, ka si a dawnte in kei sungah om a, ama sungah kei ka om ding hi.

Johan 8:50

Ahih hangin keimah in minthan’na ka zong kei hi. Ka minthan’ nading a zong thukhen ding khat a om hi.

ROM (Romans) 8:10

Khazih in note sungah a om leh, na pumpi un mawhna hangin a sih hangin na kha un dikna hangah a nungta hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

1 KORIN MASA 12:12

Pumpi in khat bek hi-in na tampi nei a, tua pumpi khat tungah nate tampi a om napi-in pumpi khat bek a om mah bangin Khazih in ahi hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

Efesa 5:30

Eite in Topa’ pum tung nate i hi hi.

Efesa 5:32

Hih thu in thuthukpi ahi hi. Tua bang ka cih ciangin Khazih leh pawlpi ngaihsunin ka gen hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.

Kolose 2:10

Ukna thu leh vangliatna thu a uk Topa sungah note in kicingin na om uh hi.

Kolose 3:11

Tua bawlphatna-ah Grik mi a om kei hi, Judah mi a om kei hi, vunat mi a om kei hi, vunat lo mi a om kei hi, mi pil lo a om kei hi, Sithia mi a om kei hi, sila a om kei hi, sila lo mi a om kei hi; Khazih in na khempeuh hi a, na khempeuh sungah a om hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Hebru 2:12

Tua bang a cihna in: “Ka ute ka naute kiangah Na min ka gen ding hi, Mihon laizangah nangmah phatna la ka sa ding hi,” ci-in a gen hi.

1 JOHAN MASA 3:24

Ama thupiakna a zui mi in ama sungah kipin om a, amah in zong tua mi sungah a om hi. Tua tham loin, amah in eite sungah a om thu a hong piak Kha Siangtho hangin eite in i thei hi.