Johan 17:24 - Tedim Bible

²⁴ “Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Tedim Bible Revision 2017

²⁴ Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Johan 17:24 Iomraidhean Croise

Piancilna 45:13

Izipt-ah keima' liatna khempeuh leh note’ muhsa khempeuh i pa’ kiangah na gen ding uh hi. Manlang un la, hih lai-ah i pa hong paipih suk un,” ci hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Mattiu 25:23

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ ci-in a gen hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mattiu 26:29

Ke’n kong cih-inah, leenggahtui ka Pa’ Gam sungah no tawh ka dawn thak ni matengin, tu-a kipan ka dawn nawn kei ding hi,” a ci hi.

Luka 12:37

Topa hong ciah ciangin, ngakin a om nasemte in thupha a ngah ding uh hi. Ke’n aman takpi kong cih-inah, topa in a kawng gakin tua naseemte an ne dingin tusak a, hong pai-in amaute a vak ding hi.

Luka 23:43

Zeisu in, “Ke’n aman takpi kong cih-inah, tuni-in nangmah in kei tawh Paradis ah na omkhawm ding hi,” a ci hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 14:3

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Johan 15:9

Pa in kei hong it bangin no kong it hi; ka itna sungah om un.

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Johan 17:22

Eite in pumkhat i hih bangin, keimah in amaute sungah ka om a, nang keima sungah na om bangin, amaute pumkhat suak uh a, pumkhat a kicin’ nadingin nang in kei nong sawl a, keimah nong it bangin amaute na it cih leitung mite in a theih nadingun, nong piaksa minthan’na amaute kiangah ka pia zo hi.”

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 6:39

Kei hong sawlpa’ deihna in kei hong piak mite khempeuh khat beek ka man’suah loh nadingin Ni tawp ni ciangin ka thokik sak ding hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

1 KORIN MASA 13:12

Tu lai takin kimu tel loin limlang sungah i en hi. Tu nung ciangin i maitang a tel takin i mu ding hi. Tu-in a kicing loin ka thei hi. Tu nung ciangin Pasian in kei hong theih bangin ka thei ding hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

2 KORIN NIHNA 5:8

Pum leh tak tawh kikhenin Topa tawh innah omkhawm tawntung dingin ut zaw-in lau lohna lungsim ka nei uh hi.

Filippi 1:23

Thu nih kikal ah cih nading meel thei loin ka om hi. Pai-in Khazih tawh ka om ding ka lunggulh hi. Bang hang hiam cih leh, keima adingin a phazaw mahmah ding hi.

1 THESALONIKA MASA 4:17

Tua khit ciangin nungta-a om lai eite in van kim lai-ah Topa dawn dingin tua mite tawh meii tungah puakna i ngah mah bangin, Topa tawh i omkhawm tawntung ding hi.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

Mangmuhna 21:22

Tua khuapi sungah biakinnpi ka mu kei hi. Bang hang hiam na cih uh leh, Vanglianpen Topa Pasian leh Tuuno in tua khuapi biakinnpi ahi uh hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.