Johan 17:21 - Tedim Bible

²¹ Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Tedim Bible Revision 2017

²¹ Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

Johan 17:21 Iomraidhean Croise

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

Zefaniah 3:9

Tua ciangin minamte’ lungsim ka hei ding a, amaute in Topa tung bekah thu ngenin, lungsim kikhatin Topa’ na sem ding uh hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Marka 3:24

Gamkhat sung mi kilem loin a kikhen leh, a kip zo kei ding hi.

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Johan 13:32

Ama sungah Pasian a kiminthan’sak leh, Pasian in Tapa a minthangsak ding a, thakhatin a min a thangsak ding hi.

Johan 13:35

Note khat leh khat na ki-it uh leh, mite khempeuh in note ka nungzuite na hih lam uh a thei ding uh hi,” a ci hi.

Johan 17:11

Tu-a kipanin leitungah ka om kei ding hi. Hih mite in leitungah a om lai ding uh hi. Nangma kiangah kei kong pai ding hi. A siangtho Pa aw, nang leh kei in pumkhat i hih mah bangin, amaute zong pumkhat a suah nadingun kei nong piaksa mite nangma min tawh kipsak in.

Johan 17:18

Nang in leitungah kei nong sawl mah bangin, amaute leitungah ka sawl hi.

Johan 17:20

“Hih mite ading bekin thu kong ngen kei hi. Amaute’ thuhilhna hangin kei hong um mite adingin zong thu kong ngen hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Johan 5:23

Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

ROM (Romans) 12:5

a tampi ahi eite in Khazih sungah pum khat bek i hi a, i vekpi-in pumpi’ nate i hi hi.

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

1 KORIN MASA 12:12

Pumpi in khat bek hi-in na tampi nei a, tua pumpi khat tungah nate tampi a om napi-in pumpi khat bek a om mah bangin Khazih in ahi hi.

1 KORIN MASA 6:17

Topa tawh kipawlte in Topa tawh lungsim khat ahi ding hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.

1 JOHAN MASA 5:7

Kha Siangtho in teci hong pang hi. Bang hang hiam na cih uh leh, Kha Siangtho in thuman thutak ahi hi.