Johan 17:18 - Tedim Bible

¹⁸ Nang in leitungah kei nong sawl mah bangin, amaute leitungah ka sawl hi.

Tedim Bible Revision 2017

¹⁸ Leitungah kei na hong sawl mah bangin kei zong leitung mahah amaute ka sawl hi.

Johan 17:18 Iomraidhean Croise

Mattiu 10:5

Tua sawm leh nihte Zeisu in sawl a, “Gentailte omna-ah pai kei un. Samaria-te khua sungah lut kei un.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Johan 4:38

Lo na khawh lohna uh ah buh at dingin ke’n note kong sawl hi. Midangte in a kho uh a, note in amau sepna-ah na tum zo uh hi,” a ci hi.

2 KORIN NIHNA 5:20

Tua ahih ciangin kote in Khazih tang ding sawltak ka hi uh hi. Note in Pasian tawh na kilem un ci-in Pasian in kote tungah hong hansuah mah bangin kote in zong Khazih tang ding kong thuum uh hi.

Efesa 3:7

A vangliatna-a bawlphatna bangin keimah hong piak Pasian’ hehpihna ka ngah mah bangin, tua Lungdamna Thu a hilh nasem ka suak zo hi. A kizong khia khin zo lo Khazih hauhna thu Gentailte kiangah hilh dingin ahi zongin,