Johan 17:14 - Tedim Bible

¹⁴ Amaute kiangah nangma thu ka pia zo hi. Keimah in leitung tawh ka kipawl loh bangin, amaute zong leitung tawh kipawl lo ahih uh ciangin, leitung mite in amaute a mudah uh hi.

Tedim Bible Revision 2017

¹⁴ Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Johan 17:14 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Paunak 29:27

Midikte in migilote mudah a, migilote in midikte mudah hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Marka 10:39

“Ka hih zo uh hi,” a cih uh ciangin, Zeisu in, “Ka dawn ding hai na dawn takpi ding uh hi. Ka thuak ding baptaizna zong na thuak ding uh hi.

Johan 17:16

Keimah in leitung tawh ka kipawl loh bangin, amaute zong leitung tawh a kipawl kei uh hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Johan 8:23

Zeisu in, “Note in nuailam mi na hi uh hi. Kei in tunglam mi ka hi hi. Note in hih leitung pan a piang na hi uh hi. Kei in hih leitung pan a piang ka hi kei hi.

1 JOHAN MASA 3:12

Kain in bang hangin a nau a that hiam na cih uh leh, ama gamtatnate hoih lo a, a naupa’ gamtatnate a dik hi.

1 JOHAN MASA 3:13

Ute naute aw, leitungmite in note hong muhdah uh leh, lamdangsa kei un.