Johan 17:11 - Tedim Bible

¹¹ Tu-a kipanin leitungah ka om kei ding hi. Hih mite in leitungah a om lai ding uh hi. Nangma kiangah kei kong pai ding hi. A siangtho Pa aw, nang leh kei in pumkhat i hih mah bangin, amaute zong pumkhat a suah nadingun kei nong piaksa mite nangma min tawh kipsak in.

Tedim Bible Revision 2017

¹¹ Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

Johan 17:11 Iomraidhean Croise

Late 79:9

Kote’ kihotkhiatna Pasian aw, nangma min a than’ nadingin kote hong huh in la, nangma min hangin kote hong khahkhia-in ka mawhna uh hong maisak in!

Paunak 18:10

Topa’ min in tausang muanhuai tawh kibang a, thuman mite in beelin lungmuangin om thei uh hi.

Isaiah 27:3

Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,

Jeremiah 14:21

Nangma’ min hangin kote hong nolh kei in; a vanglian na tokhom mindai sak kei ta in. Kote tawh nong thuciamna phawk in la, hong ciam pel kei ta in.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Ezekiel 20:22

Ahi zongin tua bangin hih leng, Izipt gam panin Israel mite ka pai khiatpih hong mu mite lakah ka min dai ding ahih manin amaute ka susia kei hi.

Ezekiel 20:44

Na gitlohna, na gamtatsiatna uh tawh kizui-in note tungah hong bawl loin, ka min a dai khak ding khualna tawh note tungah hong gamta ka hih manin keimah in Topa ka hihna thu no Israel mite in na thei ding uh hi, Topa Pasian in ci hi,” hong ci hi.

Ezekiel 20:9

Ahi zongin, Izipt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin daan thuaksak leng, keima min a kidaisak suak ding cih ngaihsutna hangin daan ka pia kei hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 16:28

Keimah in Pa kiang pan pusuakin leitungah kong kumsuk a; khatvei leitung pan pusuakin Pa kiangah ka pai kik ding hi,” ci-in a gen hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 17:6

“Leitungah na hong piaksa mite kiangah na min ka lak zo hi. Tuate in nangma neihsa ahi uh a, kei nong pia zo hi. Nangma thu amaute in a zui uh hi.

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

ROM (Romans) 12:5

a tampi ahi eite in Khazih sungah pum khat bek i hi a, i vekpi-in pumpi’ nate i hi hi.

ROM (Romans) 9:17

Lai Siangtho sungah Faro kumpipa kiangah, “Ka vangliatna nangma tungah ka lah nading ahi zongin, ka min leitung khempeuh ah a kizelh nading ahi zongin nangmah kong sangsak zo hi,” a ci hi.

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

Efesa 4:4

Note hong sapna lametna khat bek hangah hong koih ahih mah bangin, pumpi khat, Kha Siangtho khat bek a om hi.

Filippi 2:9

Tua ahih ciangin Pasian in amah pahtawi-in Min khempeuhte sangin min a lianzaw a pia hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

1 JOHAN MASA 3:12

Kain in bang hangin a nau a that hiam na cih uh leh, ama gamtatnate hoih lo a, a naupa’ gamtatnate a dik hi.

1 JOHAN MASA 5:19

Eite in Pasian’ tate i hi hi cih thu i thei hi, leitung khempeuh in a gilo mi’ khut sungah a om thu zong i thei hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mangmuhna 19:12

Ama mittangte in meikuang ahi hi. A lu tungah kumpilukhu tampi a om hi. Amah sim loh kuamah in a theih zawh loh min zong a nei hi.

Mangmuhna 4:8

Tua ganhing lite khat in kha guk ciat a nei uh a, a khate uh a sung a pua, mittang tawh dimin, sun tawh zan tawh khawl loin: “A om ngei, a om laitak, a hong om ding Vanglianpen Topa Pasian in, Siangtho hi, siangtho hi, siangtho hi,” ci-in kiko-in a om uh hi.