Johan 17:1 - Tedim Bible

¹ Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Tedim Bible Revision 2017

¹ Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

Johan 17:1 Iomraidhean Croise

Late 123:1

Vantung-a a ompa aw, nangmah kong ento hi!

Isaiah 38:14

Phialphiah ahi a, gun vapi bangin ahi zongin ka haam a, vakhu bangin ka tau hi. Vantung lam kong et etna-in ka mitte gim hi. Topa aw, kei hong kinengniam hi; keimah huh dingin hong paita in!

Marka 14:41

Thumveina hong paikik a, “Tu-in nuam takin ihmu un. A kicing zo hi. A hun hong tung zo hi. Mihing Tapa migilote’ khut sungah kilehheek zo hi.

Luka 18:13

Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Johan 11:4

Zeisu in tua thu a zak ciangin, “Hih cinatna in sih nading natna ahi kei hi. Pasian’minthan’ nading leh Pasian’ Tapa’ minthan’na a kilah nading hi,” a ci hi.

Johan 11:41

Tua ahih ciangin amau in suang a lemkhia uh hi. Zeisu dakto a, “Pa aw, nang in keima thu hong ngai na hih ciangin na hehpihna ka phat hi.

Johan 12:23

Zeisu in, “Mihing Tapa in minthan’na a ngah hun hong tung zo hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

Johan 7:30

Tua ahih ciangin amaute in Topa mat nadingin a vaihawm uh hangin ama hun tung nai lo ahih ciangin, kuamah in ama tungah khut a nga kei hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Johan 8:20

Biakna innpi sungah thu a hilh lai takin, sumkholna dei sungah hih thu a gen hi. A hun tung nai lo ahih ciangin kuamah in a man kei uh hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.