Johan 16:5 - Tedim Bible

⁵ Ahih hangin tu-inah kei hong sawlpa kiangah pai ding ka hih ciangin, ‘Koi lai-ah pai ding na hi hiam?’ ci-in note lakah kuamah in nong dong kei uh hi.

Tedim Bible Revision 2017

⁵ Tu-in ahihleh kei hong sawl pa kiangah a ciahkik ding ka hi hi. Tua hi napi-in, ‘Koi ah pai ding na hi hiam?’ ci-in kuamah in na hong dong kei uh hi.

Johan 16:5 Iomraidhean Croise

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Johan 13:36

Simon Piter in, “Topa aw, koi lam pai ding na hi hiam?” a cih ciangin Zeisu in, “Ka paina lamah tu-in nong zui zo kei ding hi. Tu nung ciangin na hong zui ding uh hi,” a ci kik hi.

Johan 14:28

‘Ka ciah hangin no kiangah kong paikik ding hi,’ ka cihna thu na za uh hi. Nong it uh leh, Pa kiangah ciah ding ka hih ciangin na nuam ding uh hi. Bang hang hiam na cih uh leh, kei sangin Pa a lianzaw hi.

Johan 16:10

Pa kiangah kei ciah ding a, note in kei hong mu nawn lo ding na hih uh ciangin, sian’thona a pulak ding hi.

Johan 16:16

“Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,” a ci hi.

Johan 16:17

Tua ahih ciangin, a nungzuite kimkhat in, “Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,’ leh ‘Pa kiangah ka pai man-inah, a cihna in bang thu ahi hiam?” ci-in khat leh khat a kici uh hi.

Johan 16:28

Keimah in Pa kiang pan pusuakin leitungah kong kumsuk a; khatvei leitung pan pusuakin Pa kiangah ka pai kik ding hi,” ci-in a gen hi.

Johan 17:13

Tu-in keimah in nangma kiangah kong pai ding hi. Keima lungdamna hih mite sungah a dim nadingin hih thute leitungah ka om lai-in ka gen hi.

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

Johan 6:62

Mihing Tapa in ama omna ngeiah a kahtokik na muh uh ciangin, bangci na ngaihsun ding uh hiam?

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.