Johan 16:4 - Tedim Bible

⁴ Amau hun a tun’ ciangin kong gensa hih thute na phawk kik nadingun tu-in kong genkhol hi.” “Acil panin hih thute note kiangah kong gen ngei kei hi. Bang hang hiam na cih uh leh, note tawh keimah ka omkhawm lai hi.

Tedim Bible Revision 2017

⁴ Hih bangin a hong gamtat hun uh hong tun ciangin kong gen thute na phawk theih nadingun a hong gen khol ka hi hi. “Note tawh hong om khawm ngawn ka hih manin a kipat tuung lamin hih thute kong gen kei hi.

Johan 16:4 Iomraidhean Croise

Mattiu 10:7

Na pai uh ciangin, ‘Vantung Gam hong nai zo hi,’ ci-in na hilh un.

Mattiu 24:25

En un, tua thu kong genkhol zo hi.

Mattiu 9:15

Zeisu in, “Zipipa in a lawmte tawh a omkhawm lai takin tuate a dah thei ding uh hiam? Ahih hangin zipipa in a lawmte tawh a kikhen ni a hong tung ding hi. Tua ciangin a lawmte in an nek a tang ding uh hi.

Marka 13:23

Thu khempeuh kong genkhol zo hi.”

Marka 2:19

Zeisu in, “Zipipa in a lawmte tawh a omkhawm lai takin tuate in an a tang thei uh hiam? A omkhawm lai teng an nek a tang thei kei uh hi.

Luka 1:2

eite lakah a hong piangsa thu teng, eite hong zaksak a kizomin lai a gelh mi tampi a om hi.

Johan 13:19

Hih thute hong tun’ ciangin tua pa ka hih lam na theih nadingun, hong tun’ ma-in no kiangah kong genkhol hi.

Johan 14:29

Tua thu a tun’ ciangin na up nadingun, hong tun’ ma-in kong genkhol zo hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

2 THESALONIKA NIHNA 2:5

Keimah in note tawh ka omkhawm lai takin hih thu ka hong gen zo hi ci-in phawk lo na hi uh hiam?

2 PETER NIHNA 1:14

hih pumpi nuntakna-ah ka om lai takin note hong phawksakin, kong hansuah ding kilawm ka sa hi.