Johan 16:3 - Tedim Bible

³ Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Tedim Bible Revision 2017

³ Amaute in ka Pa ahi a, kei ka hi zongin hong thei lo uh ahih manin tu-a bangin note a hong bawl ding uh ahi hi.

Johan 16:3 Iomraidhean Croise

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Johan 15:23

Kei hong mudah mi in ka Pa zong a mudah hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 8:19

Tua hi-a amaute in, “Na Pa koi lai-ah om hiam?” ci-a a dot uh ciangin Zeisu in, “Note in kei nong theih kei uh leh, ka Pa zong na thei kei ding uh hi. Kei nong theih uh leh, ka Pa zong na thei ding uh hi,” a ci kik hi.

Johan 8:55

Note in tua Pasian na thei kei uh hi. Ahih hangin ke’n ahih leh, ka thei hi. Ka thei kei hi ci leng, note bangin zuauthu gen ka hi ding hi. Ahih hangin tua Pasian thei-in ama thu ka ngai hi.

Sawltak 3:17

“Tu-in ute naute aw, note akipan no hong ukte in thei loin ahih uh ka thei hi.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

1 JOHAN MASA 4:8

A it thei lo mi in Pasian a thei kei hi. Bang hang hiam na cih uh leh, Pasian in itna ahi hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.